“ప్రెజంట్ జనరేషన్ హీరోయిన్స్ లో మోస్ట్ లక్కీయస్ట్ ఎవరు అంటే ఏమాత్రం ఆలోచించకుండా అను ఎమ్మాన్యూల్ అని చెప్పేయొచ్చు. ఇప్పటివరకూ చెప్పుకోదగ్గ విజయం ఒక్కటీ లేకపోయినా స్టార్ హీరోల సరసన అవకాశాలు దక్కించుకుంటూ సెన్సేషన్ క్రియేట్ చేస్తుంది అను ఎమ్మాన్యుల్” అంటూ నిన్నమొన్నటివరకూ అను పేరు మార్మోగిపోయింది. రకుల్, కాజల్ లాంటి స్టార్ హీరోయిన్లు కూడా అను వరుసగా ఆఫర్లు దక్కించుకొంటున్న విధానం చేసి అవాక్కయ్యారు.
కట్ చేస్తే.. అందరి దిష్టి తగిలేసిందో లేక అదృష్టం అడ్డం తిరిగిందో తెలియదు కానీ.. ఆమె నటించిన సినిమాలన్నీ డిజాస్టర్లుగా నిలవడం, ఆమె నటనకు కూడా మైనస్ మార్కులే పడడంతో ఆల్రెడీ కమిట్ అయిన “అమర్ అక్బర్ ఆంటోనీ” సినిమా నుంచి తొలగించడమే కాకుండా అప్పటివరకూ ఎన్టీఆర్-త్రివిక్రమ్ సినిమాలోనూ కన్ఫర్మ్ అనుకొన్న ఆఫర్ కూడా చేజారింది. దాంతో.. ప్రస్తుతం అమ్మడి చేతిలో ఒక్క ఏకైక ప్రొజెక్ట్ “శైలజా రెడ్డి అల్లుడు”. నాగచైతన్య హీరోగా మారుతి దర్శకత్వంలో తెరకెక్కిన ఈ చిత్రం ఆగస్ట్ 31న విడుదలవుతోంది. ఈ సినిమా రిజల్ట్ మీద అమ్మడి కెరీర్ ఆధారపడి ఉంది. ఈ సినిమా హిట్ అయితే కనీసం రెండు ప్రొజెక్ట్స్ అయినా సైన్ చేసే అవకాశం ఉంది. లేదంటే ఇక సర్దేసుకొని పోవాల్సిందే.
