అమెరికాలో పుట్టి పెరిగిన అను ఇమ్యానుయేల్ మలయాళంలో నటిగా అడుగుపెట్టింది. మజ్ను సినిమాతో టాలీవుడ్ లోకి ప్రవేశించింది. క్యూట్ గా నటించి వరుసగా ఆఫర్లు అందుకుంటోంది. కిట్టు ఉన్నాడు జాగ్రత్తతో పాటు మాటలమాంత్రికుడు త్రివిక్రమ్ శ్రీనివాస్ దర్శకత్వంలో వచ్చిన అజ్ఞాతవాసిలో పవర్ స్టార్ పవన్ కళ్యాణ్ కి జోడీగా నటించింది. అలాగే నా పేరు సూర్య లో స్టయిలిష్ స్టార్ అల్లు అర్జున్ తో కలిసి స్టెప్పులు వేసింది. వీటితో పాటు ఆక్సిజన్ లోను మెరిసింది. ఆమె నటించిన సినిమా ఏదీ విజయం సాధించిక పోయినప్పటికీ ఆమెకు అవకాశాలు మాత్రం ఎక్కువగా వుతున్నాయి. ప్రస్తుతం మారుతీ దర్శకత్వంలో శైలజారెడ్డి అల్లుడు మూవీ చేస్తోంది.
ఇందులో అను నాగచైతన్యకి జోడీగా నటిస్తోంది. ఈ మూవీ వచ్చేనెల రిలీజ్ కానుంది. అయితే రీసెంట్ గా గీత గోవిందంలో తళుక్కున మెరిసి ఆకట్టుకుంది. కోలీవుడ్‌లో విశాల్ సరసన “తుప్పరివాలన్” లో హీరోయిన్ గా నటించి అభినందనలు అందుకుంది. తాజాగా అనూ ఇమ్మాన్యుయేల్ తమిళ స్టార్ హీరో విజయ్ సేతుపతి సినిమాలో నటించే ఛాన్స్ అందుకుంది. ఈ కథలో హీరోయిన్ పాత్ర నచ్చడంతో విజయ్ సేతుపతితో రొమాన్స్‌కు వెంటనే ఒకే చెప్పినట్లు ఫిలిం నగరవాసులు చెప్పారు. ఈ సినిమా హిట్ అయితే తమిళంలో అనేక అవకాశాలు అందుకునే ఆస్కారం ఉంది.
