టాలీవుడ్ టాప్ హీరోయిన్లలో ఒకరైన అనుష్క పెళ్లి పీటలు ఎక్కేందుకు సిద్ధమైంది.అక్కినేని నాగార్జున కొడుకులిద్దరూ కళ్యాణం చేసుకుంటుండడంతో ఆ తరవాత స్వీటీ పెళ్లి కూతురిగా ముస్తాబు కావడానికి సై అనింది. అనుష్క పెళ్లికి అక్కినేని ఫ్యామిలీకి లింకేంటి అని… సెన్సార్ చేసే పదాల జోలికి వెళ్లిపోకండి. అసలు టాపిక్ లోకి వెళితే.. అనుష్క సినీ పరిశ్రమలోకి కింగ్ నాగార్జున సినిమా సూపర్ ద్వారా వచ్చింది. అప్పుడే నాగ్ కి, స్వీట్ కి మధ్య పరిచయం ఏర్పడింది. అప్పటి నుంచి పరిశ్రమలో అనుష్కకు అండగా అక్కినేని ఫ్యామిలీ నిలబడింది. స్వీటీ కూడా వారిలో ఒకరిగా కలిసిపోయింది.
ఇప్పటికీ ఆమె అన్నపూర్ణ గ్రూప్ మొబైల్ నే వాడుతున్నారు. అంతలా అక్కినేని ఫ్యామిలీ మెంబర్ అయింది. ఆ కుటుంబంలో అఖిల్, నాగ చైతన్య ఓ ఇంటి వారు అవుతుండడం నాగ్, అమలకు మాత్రమే కాదు అనుష్కకు శుభ వార్త అయింది. ఈ ఆనందంలో ఆమె కూడా పెళ్లికి ఏర్పాట్లు మొదలు పెట్టమని తన తల్లిదండ్రులకు చెప్పిందని, వారు పెళ్లి కొడుకుని వెతికే పనిలో ఉన్నారని తెలిసింది. కూతురి వివాహం ఎటువంటి ఇబ్బందులు కలగకుండా పూజలు కూడా చేసినట్లు సమాచారం. ఇంతటితో అనుష్క ప్రేమ వివాహం చేసుకుంటుందనే ఊహాగానాలను ఫుల్ స్టాప్ పడింది. బాహుబలి 2 షూటింగ్ లో బిజీగా ఉన్న ఈమె దీని తర్వాత భాగమతి సినిమాలో నటించనుంది. ఆ చిత్రం పూర్తికాగానే అరేంజ్డ్ మ్యారేజ్ చేసుకోనుంది.
