స్వీటీ అనుష్క చిత్ర పరిశ్రమలోకి అడుగుపెట్టి అప్పుడే పదకొండేళ్లు పూర్తి అయిపోయాయి. కానీ ఇప్పటికీ ఆమె పరిశ్రమకు కొత్తగా వచ్చిన కొత్త నటిలాగా కష్టపడుతుంటారు. ఆ ఫలితం ఆమె చేసే పాత్రల్లో కనిపిస్తుంటుంది. అరుంధతి, రుద్రమదేవి, దేవసేన… ఇలా ఎన్నో పాత్రలు అందరీ హృదయాల్లో స్థానం సంపాదించుకున్నాయి. ఆ క్యారెక్టర్స్ లో అనుష్క తప్ప వేరే వారిని తెలుగు ప్రేక్షకులు ఊహించుకోలేరు. అలా నటించడం ఎలా సాధ్యమైందని అనుష్కని అడగగా.. ఆమె ఇలా సమాధానం ఇచ్చారు. “కొన్ని కథలు విన్నప్పుడు చాలా ఆశ్చర్యాన్ని కలిగిస్తాయి. అందులో నా పాత్ర గురించి తెలుసుకుని భయం వేసేది. నేను అలా చేయగలనా? అనే సందేహం కలుగుతుంది.
కొన్ని రోజుల వరకు ఆ భయం వెంటాడేది. దాన్ని పోగొట్టుకునేందుకు ఆ పాత్ర గురించి మరింత తెలుసుకునేదాన్ని. అప్పుడు ఆ క్యారక్టర్ పై ప్రేమ కలుగుతుంది. అలా పాత్రలోకి ఇన్వాల్వ్ అయ్యేదాన్ని” అంటూ రహస్యాన్ని వెల్లడించింది. బాహుబలి తర్వాత అనుష్క పిల్లజమిందార్ ఫేం అశోక్ దర్శకత్వంలో భాగమతి మూవీ చేస్తున్నారు.. యూవీ క్రియేష‌న్స్ బ్యానర్ పై వంశీ, ప్రమోద్ లు నిర్మిస్తున్న ఈ సినిమా ఆగ‌స్ట్ 11న రిలీజ్ కానుంది.
Also, do SUBSCRIBE to our YouTube channel to get latest Tollywood updates.
