ప్రతిష్టాత్మకంగా తెరకెక్కుతున్న మెగాస్టార్ చిరంజీవి ‘సైరా’ చిత్రం షూటింగ్లో అనుష్క గాయపడిందంటూ పుకార్లు షికార్లు చేసిన సంగతి తెలిసిందే. అక్కడితో ఆ వార్తలు ఆగలేదు.. మళ్ళీ అనుష్క లావైపోయిందని అందుకే తన తరువాత సినిమా షూటింగ్ ఆగిపోయిందని ప్రచారం జరిగింది. దీని పై అనుష్క తన సోషల్ మీడియా ద్వారా స్పందించి అలాంటిదేమీ లేదని తెలిపింది. దీనికి ఆధారాలు కూడా చూపించాలనుకుందేమో… ‘నేను ధిట్టంగా ఉన్నాను. సీటెల్ లో షూటింగులో పాల్గొంటున్నా’ అంటూ తన సోషల్ మీడియా ద్వారా కొన్ని ఆన్ లొకేషన్ ఫోటోలని షేర్ చేసింది.
హేమంత్ మధుకర్ డైరెక్షన్లో అనుష్క… ‘సైలెన్స్’ అనే చిత్రంలో నటిస్తుంది. ప్రస్తుతం అమెరికాలోని సీటెల్ లో ఈ చిత్రం షూటింగ్ జరుపుకుంటుంది. అక్కడి ఆన్ లొకేషన్ ఫోటోలనే అనుష్క ఇలా షేర్ చేసింది. ఈ ఫోటోలలో కొరియోగ్రాఫర్ రఘు మాస్టార్ వెనుక అనుష్క నిలబడి దాగుడు మూతలు ఆడుతుంది. మరో పక్క కోన వెంకట్ కూడా ఉన్నాడు. అయితే అనుష్క పేస్ మాత్రమే ఈ ఫోటోలలో కనిపిస్తుంది. మరి ఆమె సన్నగా ఉందా.. మళ్ళీ లావయ్యిందా అనేది మాత్రం తెలీడం లేదు. ‘సైజ్ జీరో’ చిత్రం కోసం భారీగా లావు అయ్యింది స్వీటీ. ఆ తరువాత ‘భాగమతి’ లో కూడా లావుగానే కనిపించింది. అయితే ఫారిన్ వెళ్ళి మరీ నేచురల్ థెరఫీ తీసుకుని సన్నబడింది. అందుకు సంబందించిన పిక్స్ కూడా అప్పట్లో తెగ హల్ చల్ చేసాయి. అయితే ఆ లుక్ ను పూర్తిగా సినిమాలోనే చూపించాలని అనుష్క ఫిక్సయినట్టుంది. అందుకే ఇలా ముఖం మాత్రమే చూపించి ఎస్కేప్ అయ్యింది.
2
3
