మాటల మాంత్రికుడు త్రివిక్రమ్ శ్రీనివాస్ దర్శకత్వంలో యంగ్ టైగర్ ఎన్టీఆర్ “అరవింద సమేత వీర రాఘవ” సినిమా చేస్తున్న సంగతి తెలిసిందే. పూజా హెగ్డే, ఈషా రెబ్బా హీరోయిన్స్ గా నటిస్తున్న ఈ చిత్రాన్ని దసరా కానుకగా అక్టోబర్ 11 న రిలీజ్ చేయాలనీ చిత్ర బృందం కష్టపడుతోంది. ఒకే సమయంలో షూటింగ్, డబ్బింగ్ చేస్తున్నారు. రాయలసీమ నేపథ్యంలో సాగే ఈ చిత్రంలో జగపతిబాబు, నాగబాబు ఇద్దరు రెండు ఫ్యాక్షన్ గ్రూపులకు చెందిన నాయకుల పాత్రల్లో కనిపించబోతున్నారు. వరుసగా నాలుగు విజయాల తర్వాత ఎన్టీఆర్ చేస్తున్న ఈ సినిమాపై భారీ అంచనాలున్నాయి. పైగా ఎస్ థమన్ అందించిన సంగీతం సినిమాపై అంచనాలను మరింత పెంచింది.
దీంతో ఈ సినిమా థియేట్రికల్ రైట్స్ ని కొనుగోలు చేయడానికి డిస్ట్రిబ్యూటర్స్ ఎగబడ్డారు. అన్ని ఏరియాలు కలుపుకొని ఈ మూవీ వందకోట్ల ప్రీ రిలీజ్ బిజినెస్ జరుపుకుందని సమాచారం. ఈ వందకోట్లను తొలి వీకెండ్ లోనే రాబడుతుందని ట్రేడ్ వర్గాలవారు భావిస్తున్నారు. నందమూరి అభిమానులు అయితే ఇండస్ట్రీ రికార్డులను తిరగరాస్తుందని ధీమా వ్యక్తం చేస్తున్నారు. హారిక హాసిని క్రియేషన్స్ బ్యానర్ ఫై రాధాకృష్ణ ఈ సినిమాలో ఐటెం సాంగ్ లో బాలీవుడ్ హీరోయిన్ ప్రియాంక డ్యాన్స్ చేస్తుందని అంటున్నారు. అది నిజమైతే కలెక్షన్లు పరుగు తీయడం గ్యారంటీ.
