మాటల మాంత్రికుడు త్రివిక్రమ్ శ్రీనివాస్ దర్శకత్వంలో ఎన్టీఆర్ “అరవింద సమేత వీర రాఘవ” సినిమా చేస్తున్న సంగతి తెలిసిందే. ఈ చిత్రం షూటింగ్ వేగంగా జరుగుతోంది. ఇందులో ఎన్టీఆర్ రెండు షేడ్స్ లో కనిపించబోతున్నారు. ఒకటి క్లాస్ అయితే.. మరొకటి మాస్. మాస్ పాత్రకి సంబంధించిన సన్నివేశాలను ముందుగా చిత్రీకరించారు. రాయసీమలో పూజా హెగ్డేతో ఉన్న కాంబినేషన్స్ సీన్స్ పూర్తి అయిపోయాయి. నిన్నటి నుంచి క్లాస్ షేడ్స్ కి సంబంధించిన సీన్స్ షూట్ చేస్తున్నారు. కాలేజీలో జరుగుతున్న ఈ చిత్రీకరణలో ఈషా రెబ్బా తదితరులు పాల్గొంటున్నారు. ఈ సీన్స్ చాలా సరదాగా ఉంటాయని సమాచారం.
మళ్ళీ ఎన్టీఆర్ ని కాలేజీలో చూడడం అభిమానులకు కొత్తగా ఉండనుంది. ఈ షెడ్యూల్‌ ఆగష్టు 3వ తేదీ వరకు జరగనుంది. ఆ తర్వాత పొల్లాచ్చిలో పాటల చిత్రీకరణ జరుపుతారు. రాయలసీమ నేపథ్యంలో సాగే ఈ చిత్రంలో జగపతిబాబు, నాగబాబు ఇద్దరు రెండు ఫ్యాక్షన్ గ్రూపులకు చెందిన నాయకుల పాత్రల్లో కనిపించబోతున్నారు. తమన్ సంగీతం అందిస్తున్న ఈ చిత్రాన్ని హారిక హాసిని క్రియేషన్స్ బ్యానర్ ఫై రాధాకృష్ణ నిర్మిస్తున్నారు. ‘అరవింద సమేత’ టీజర్ ను ఇండిపెండెన్స్ డే సందర్భంగా ఆగష్టు 15న, చిత్రాన్ని దసరా కానుకగా అక్టోబర్‌ 10న విడుదల చేయనున్నారు.
