యువ హీరో నితిన్ అ..ఆ మూవీ తర్వాత “కృష్ణగాడి వీర ప్రేమగాథ” ఫేమ్ హను రాఘవపూడి దర్శకత్వంలో ‘ఎల్ఐఈ (లై) అనే సినిమా చేస్తున్నారు. 14 రీల్స్ ఎంటర్‌టైన్‌మెంట్ పతాకంపై రామ్ ఆచంట, గోపీచంద్ ఆచంట, అనిల్ సుంకర నిర్మిస్తున్న ఈ మూవీలో మేఘా ఆకాష్ హీరోయిన్ గా నటిస్తోంది. కొన్నిరోజుల క్రితం విడుదల చేసిన ఫస్ట్ లుక్ అందరినీ ఆకట్టుకుంది. ప్రస్తుతం ఈ చిత్ర షూటింగ్ అమెరికాలోని లాస్ వెగాస్, లాస్ ఏంజిల్స్, శాన్‌ఫ్రాన్సిస్కో, చికాగోతో పాటు పలు అందమైన లొకేషన్స్‌లో జరుగుతోంది. జూన్ రెండో వారం వరకు సాగే ఈ షెడ్యూల్‌ లో సీనియర్ నటుడు అర్జున్ జాయిన్ అయ్యారు. ఈ విషయాన్నీ స్వయంగా అర్జున్ ట్విట్టర్లో సోమవారం వెల్లడించారు.
లాస్ వెగాస్ లో లై షూటింగ్ లో పాల్గొన్నానని ఫోటోని షేర్ చేసుకున్నారు. అందుకు నితిన్ స్పందించారు. “13 ఏళ్ల తర్వాత అర్జున్ సార్ తో కలిసి నటిస్తున్నందుకు చాలా ఆనందంగా ఉంది.” అని రీ ట్వీట్ చేశారు. వీరిద్దరూ కృష్ణవంశీ దర్శకత్వంలో వచ్చిన శ్రీ ఆంజనేయం సినిమాలో కలిసి నటించారు. మళ్లీ ఇప్పుడు లై లో కలిశారు. అయితే అందులో దేవుడు పాత్ర పోషించిన అర్జున్, ఇందులో విలన్ గా నటిస్తున్నట్లు సమాచారం. మణిశర్మ సంగీతమందిస్తున్న ఈ చిత్రాన్ని ఆగస్ట్ 11న రిలీజ్ చేయాలనీ భావిస్తున్నారు.
Also, do SUBSCRIBE to our YouTube channel to get latest Tollywood updates.
