కిక్, రేసు గుర్రం, టెంపర్ వంటి హిట్ చిత్రాలకి కథ అందించిన వక్కంతం వంశీ దర్శకుడిగా మారి తెరకెక్కిస్తున్న సినిమా నాపేరు సూర్య. స్టైలిష్ స్టార్ అల్లు అర్జున్ ఇందులో సోల్జర్ గా నటిస్తున్నారు. రామలక్ష్మీ సినీ క్రియేషన్స్ పతాకంపై లగడపాటి శ్రీధర్, బన్నీ వాసు నిర్మిస్తున్న ఈ చిత్రం రెండు షెడ్యూల్స్ పూర్తి చేసుకుంది. రీసెంట్ గా హైదరాబాద్ లో మూడో షెడ్యూల్ మొదలయింది. ఈ షెడ్యూల్ ల్లో సీనియర్ హీరో అర్జున్ జాయిన్ అయ్యారు. అల్లు అర్జున్, అర్జున్ మధ్య సాగే యాక్షన్ సన్నివేశాన్ని షూట్ చేస్తున్నారు. సినిమాలో ఈ ఫైట్ హైలెట్ కానుందని సమాచారం.
హీరోయిన్ గా అనూ ఇమ్మాన్యుయేల్ నటిస్తోన్నఈ చిత్రంలో శరత్ కుమార్ కీలక పాత్ర పోషించనున్నారు. విశాల్-శేఖర్ సంగీతం అందిస్తున్న నా పేరు సూర్య సినిమాని వచ్చే ఏడాది ఏప్రిల్ 27న రిలీజ్ చేయనున్నారు. దువ్వాడ జగన్నాధం ఆశించినంత విజయం సాధించక పోవడంతో ఈ సినిమాతో మరో సారి బ్లాక్ బస్టర్ హిట్ కొట్టాలని చూస్తున్నారు.
Also, do SUBSCRIBE to our YouTube channel to get latest Tollywood updates.
