అందంగా ఉన్న ఏ అబ్బాయినైనా మొదటగా అరవింద్ స్వామిలా ఉన్నాడని పోలుస్తుంటాం. అంతటి అందం ఆయన సొంతం. ఒకప్పుడు అమ్మాయిల్లో అరవింద్ కు విపరీతమైన క్రేజ్ ఉండేది. ‘రోజా’ చిత్రంతో తెలుగులో కూడా మంచి పేరు సంపాదించాడు. అయితే ఆ తరువాత మెరుపుకలలు అనే సినిమాలో తప్ప మరే సినిమాలో కనిపించలేదు. రీసెంట్ గా కడలి సినిమాతో సెకండ్ ఇన్నింగ్స్ మొదలు పెట్టిన ఈ నటుడు విలన్ గా కూడా తనదైన ముద్ర వేశాడు.
దీంతో చరణ్ నటిస్తోన్న’దృవ’ సినిమాలో అరవింద్ స్వామిని ఎన్నుకున్నారు. అయితే ఆ హ్యాండ్సమ్ విలన్ కు హాలీవుడ్ ఆఫర్స్ కూడా వస్తున్నాయి. ‘మ్యాడ్ మాక్స్’, ‘ఫ్యూరీ రోడ్’ నిర్మాతలు నిర్మించే తదుపరి చిత్రంలో నటించే ఛాన్స్ అరవింద్ స్వామికి వచ్చినట్టు తెలుస్తోంది. ఓ కీలకపాత్ర కోసం అరవింద్ తో సంప్రదింపులు జరుపుతున్నారు. దీనికి అరవింద్ కూడా నూకూలంగానే స్పందిస్తున్నాడు. త్వరలోనే హాలీవుడ్ సినిమాల్లో అరవింద్ స్వామి కనిపించే అవకాశాలు కనిపిస్తున్నాయి.
