జూనియర్ టెక్నీషియన్ల ఆలోచన, సీనియర్ నటుల అనుభవం కలిస్తే ‘అ!’ చిత్రం. ఆ అద్భుత చిత్రం నిన్న రిలీజ్ అయి విశేషంగా ఆకట్టుకుంది. నూతన దర్శకుడు ప్రశాంత్‌ వర్మ దర్శకత్వం వహించిన ఈ చిత్రంలో కాజల్‌, నిత్యామేనన్‌, రెజీనా, శ్రీనివాస్‌ అవసరాల, ప్రియదర్శి, మురళీశర్మ లు తమతమ పాత్రల్లో జీవించి .. ఆడియన్స్ కథలో లీనమైపోయేలా చేశారు. చేపకు నాని, చెట్టుకు రవితేజ వాయిస్‌ ఓవరు ఇచ్చి ప్రేక్షకులకు మరింత వినోదాన్ని అందించారు. వాల్ పోస్టర్ సినిమా బ్యానర్ లో నాని నిర్మాతగా మారి నిర్మించిన ఈ మూవీ తెలుగు రాష్ట్రాలతో పాటు ఓవర్సీస్ లోను భారీ ఓపెనింగ్స్ అందుకుంది.
అమెరికాలో ప్రీమియర్‌ షోల ద్వారా 107,612 డాలర్లను వసూలు చేసి ఔరా అనిపించింది. శుక్రవారం నాటికీ 2.25 లక్షల డాలర్ల కలెక్షన్స్ ను సొంతం చేసుకుంది. మంచి టాక్ రావడంతో శని, ఆదివారాల్లో ఈ కలక్షన్ రెట్టింపు కానుందని అక్కడి ట్రేడ్ వర్గాలవారు భావిస్తున్నారు. తెలుగు రాష్ట్రాల్లోను మంచి కలెక్షన్స్ నమోదయ్యాయని తెలిసింది. ఫస్ట్ డే టోటల్ కలక్షన్స్ త్వరలోనే నిర్మాత వెల్లడించనున్నారు.
