ప్రపంచ సినీ అభిమానులు ఎదురుచూస్తున్న బాహుబలి కంక్లూజన్ థియేటర్లోకి రావడానికి ముస్తాబుతోంది. ఈ చిత్రాన్ని ఏప్రిల్ 28న విడుదల చేయడానికి రాజమౌళి బృందం శ్రమిస్తోంది. ప్రభాస్ ద్విపాత్రాభినయం చేసిన ఈ మూవీ విడుదలకు ముందే నిర్మాతలకు లాభాలను అందించింది. 250 కోట్లతో నిర్మితమయిన బాహుబలి కంక్లూజన్ 500 కోట్లకు పైన ప్రీ రిలీజ్ బిజినెస్ చేసినట్లు సమాచారం. వెయ్యికోట్ల కలక్షన్ రాబడుతుందని నిర్మాతలు అంచనా వేస్తున్నారు. అయితే తొలి రోజు వసూళ్లపై ట్రేడ్ వర్గాల్లో ఇప్పుడే చర్చ మొదలయింది. 3500 థియేటర్లలో ప్రదర్శితం కానున్న ఈ బాహుబలి 2 మూవీ భారతీయ సినిమాల రికార్డులన్నింటికీ తిరగరాస్తుందని భావిస్తున్నారు.
ముఖ్యంగా తెలుగు రాష్ట్రాల్లో ఈ సినిమా ఫస్ట్ డే 50 కోట్లకు పైనే వసూలు చేస్తుందని విశ్వసిస్తున్నారు. ఇప్పటివరకు తొలిరోజు అత్యధిక కలక్షన్స్ రాబట్టిన తెలుగు చిత్రంగా ఖైదీ నంబర్ 150 రికార్డు నమోదు చేసింది. మెగా మూవీ వసూలు చేసిన 42 కోట్ల మార్క్ ని ప్రభాస్ సినిమా సునాయాసంగా దాటేస్తుందని చెబుతున్నారు. ఈ కలక్షన్ల పరుగులు చూడాలంటే మరో 27 రోజులు ఆగాలి.
Also, do SUBSCRIBE to our YouTube channel to get latest Tollywood updates.
