దర్శకధీరుడు ఎస్.ఎస్.రాజమౌళి తెరకెక్కించిన బాహుబలి సినిమాకి సంగీతం ప్రాణం. ఎంఎం కీరవాణి అందించిన పాటలు సినిమా విజయానికి దోహదం చేశాయి. ముఖ్యంగా నేపథ్య సంగీతం విజువల్స్ కి బలాన్ని ఇచ్చాయి. ఆ సినిమాకి కొనసాగింపుగా వస్తున్న బాహుబలి కంక్లూజన్ కి కీరవాణి మొదటి పార్ట్ కంటే మంచి ట్యూన్స్ ఇచ్చారని పలు మార్లు రాజమౌళి, ప్రభాస్ చెప్పారు. ఆ పాటలను త్వరలో విననున్నాం. నిన్న ట్రైలర్ ని విడుదల చేసిన చిత్ర బృందం.. ఆడియో రిలీజ్ వేడుకను ఈనెల 26 న వైభవంగా నిర్వహించాలని ఫిక్స్ అయింది.
హైదరాబాద్ లోని రామోజీ ఫిల్మ్ సిటీలో నిర్మించిన మాహిష్మతి సెట్ నే ఈ వేడుకకు వేదికగా మార్చుకుంది. ఈ కార్యక్రమానికి తరలి వచ్చే అతిథులు, అభిమానులకు ఎటువంటి ఇబ్బందులు కలగకుండా ఏర్పాట్లు చేస్తోంది. ఈ పనులను రాజమౌళి భార్య రమా రాజమౌళి, కీరవాణి భార్య శ్రీవల్లి తదితరులు పర్యవేక్షిస్తున్నారు. ఈ ఫంక్షన్ మొత్తం NTV లో ప్రత్యక్ష ప్రసారం కానుంది.
Also, do SUBSCRIBE to our YouTube channel to get latest Tollywood updates.
