రాజమౌళి దర్శకత్వంలో ప్రభాస్, రానా, అనుష్క ప్రధాన పాత్రలుగా నటించిన ‘బాహుబలి’ చిత్రం దేశవ్యాప్తంగా క్రేజ్ సంపాదించి,బాక్సాఫీస్ వద్ద రికార్డు కలెక్షన్స్ వసూలు చేసిన సంగతి తెలిసిందే. తాజాగా ఈ చిత్రాన్ని చైనాలో మే నెలలో ఏకంగా ఆరు వేల ప్రింట్లతో చైనా మొత్తం విడుదల చేయనుంది. ఈ-స్టార్ ఫిలిమ్స్ అనే చైనా సంస్థ ‘బాహుబలి’ చిత్రాన్ని చైనాలో విడుదల చేయడానికి ఒప్పందం కూడా కుదుర్చుకుంది.
గతంలో బాలీవుడ్ చిత్రం ‘పీకే’ను చైనాలో విడుదల చేయగా అక్కడ కూడా భారీ కలెక్షన్స్ సాధించింది. తాజాగా బాహుబలి ఆ కలెక్షన్స్ మించి వసూలు చేస్తుందని డిస్ట్రిబ్యూటర్లు ధీమాగా ఉన్నారు. ఇప్పటికే అమెరికా, జపాన్, జర్మనీలో ఈ సినిమాని విడుదల చేసేందుకు చాలామంది బయ్యర్లు సిద్దంగా ఉన్నారు. ‘బాహుబలి 1’,ప్రస్తుత సినిమా ‘బాహుబలి 2’, కలెక్షన్స్ మొత్తం కలిపితే ‘బాహుబలి’ ఇండియాలోనే అతిపెద్ద సినిమాగా నిలిచే అవకాశం ఉంది. ప్రస్తుతం ‘బాహుబలి-2’ సినిమా షూటింగ్ లో ఉన్న జక్కన్న బృందం ఈ చిత్రాన్ని ఈ ఏడాది చివర్లో విడుదల చెయ్యొచ్చని అంచనా.
