సినీ అభిమానులు ఎంతగానో ఎదురుచూస్తున్నబాహుబలి కంక్లూజన్ చిత్రం గురించి ఓ ఆసక్తికర సంగతి బయటికి వచ్చింది. దర్శకధీరుడు ఎస్.ఎస్.రాజమౌళి బాహుబలి బిగినింగ్ కంటే మించి ఉండాలని శ్రమిస్తున్న ఈ చిత్రం ఫస్ట్ లుక్ రిలీజ్ తేదీ ఖరారు అయింది. అక్టోబర్ 23 న విడుదల చేయాలనీ చిత్ర బృందం ప్లాన్ చేస్తోంది. ఆరోజు యంగ్ రెబల్ స్టార్ ప్రభాస్ పుట్టిన రోజు. అందుకే ఆరోజు ఆయన అభిమానులకు కానుక గా తొలి పోస్టర్ ని అందించేందుకు సిద్ధమయ్యారు.
ప్రస్తుతం ఈ సినిమా క్లైమాక్స్ షూటింగ్ రామోజీ ఫిలిం సిటీ లో జరుగుతోంది. ఈ షూటింగ్ నవంబర్ నాటికి పూర్తి అవుతుంది. అనంతరం పోస్ట్ ప్రొడక్షన్ కోసం 5 నెలలు కేటాయించారు. అత్యాధునిక హంగులను జోడించి ఈ మూవీని ఏప్రిల్ 28 న ప్రపంచ వ్యాప్తంగా రిలీజ్ చెయ్యడానికి పక్క ప్లాన్ తో రాజమోళి బృందం పని చేస్తోంది. ఎం.ఎం.కీరవాణి సంగీతాన్ని అందిస్తున్న ఈ సినిమాలో 30 కోట్ల వ్యయంతో రూపొందిన క్లైమాక్స్ ఫైట్ హైలెట్ గా నిలుస్తుందని సమాచారం.
