ఈ మధ్య కాలంలో చాలామంది ప్రేక్షకులు మనస్సులకు హత్తుకునే ప్రేమకథలు టాలీవుడ్ లో తెరకెక్కడం లేదని చెబుతున్నారు. అయితే ఆ లోటును భర్తీ చేసే విధంగా బేబీ మూవీ ట్రైలర్ ఉంది. ఆనంద్ దేవరకొండ, వైష్ణవి చైతన్య, విరాజ్ అశ్విన్ ప్రధాన పాత్రల్లో ఈ సినిమా తెరకెక్కగా సాయి రాజేష్ ఈ సినిమాకు దర్శకత్వం వహించారు. ప్రేమ కథలలో సంచలనం సృష్టించేలా ఈ సినిమా ఉండనుందని తెలుస్తోంది.
బేబీ ట్రైలర్ కు డైలాగ్స్ హైలెట్ గా నిలిచాయి. “మొదటి ప్రేమకు మరణం లేదు, మనసు పొరల్లో శాశ్వతంగా సమాధి చేయబడి ఉంటుంది” డైలాగ్ ను చూపిస్తూ ట్రైలర్ మొదలు కాగా “ఇకనుంచి నన్ను కూడా ప్రేమించనిస్తావా” అంటూ స్కూల్ డేస్ లో ఆనంద్, వైష్ణవిలను చూపించారు. ఆనంద్ దేవరకొండ, వైష్ణవి తమ పాత్రల్లో జీవించారనే చెప్పాలి.
ఈతరం అమ్మాయిల, అబ్బాయిల పరిస్థితులను ప్రతింబించేలా ట్రైలర్ లో అన్ని ఎమోషన్స్ ను టచ్ చేశారు. నాగబాబు ట్రైలర్ లో ఒకే ఒక్క షాట్ లో కనిపించారు. “ప్రతి కష్టానికి ముందు దేవుడు ఏదో ఒక సిగ్నల్ ఇస్తాడు.. నీలాంటి అమ్మాయి జీవితంలోకి వచ్చినప్పుడు అసలు సిగ్నల్ ఎందుకు ఇవ్వడే”, “తిరిగి కొట్టేంత బలం లేదనే కదరా మీకీ కొవ్వు.. మీ అంత బలం లేకుండొచ్చు.. కానీ గుండెల మీద కొట్టాలంటే మా కంటే గట్టిగా ఎవ్వరూ కొట్టలేరు” అనే డైలాగ్స్ ట్రైలర్ కు హైలెట్ నిలిచాయి.
3 నిమిషాల 18 సెకన్లు ఉన్న ఈ ట్రైలర్ ప్రేక్షకులకు ఎక్కడా బోర్ కొట్టే విధంగా లేకపోవడం గమనార్హం. బేబీ సినిమా సంచలనాలను సృష్టించడం ఖాయమని కామెంట్లు వ్యక్తమవుతున్నాయి. బీజీఎం అద్భుతంగా ఉండగా ఈ సినిమా మంచి లాభాలను అందించడం ఖాయమని కామెంట్లు వినిపిస్తున్నాయి. జులై 14వ తేదీన రిలీజ్ కానున్న ఈ సినిమా అన్ని వర్గాల ప్రేక్షకులను మెప్పిస్తుందేమో చూడాలి.
