టాలీవుడ్ లో అత్యంత భారీ బడ్జెట్ తో నిర్మితమైన చిత్రం బాహుబలి. దర్శకధీరుడు ఎస్.ఎస్.రాజమౌళి బృందం రెండేళ్లు కష్టపడి తెరకెక్కించిన ఈ మూవీ ప్రపంచవ్యాప్తంగా విజయ ఢంకా మోగించింది. యంగ్ రెబల్ స్టార్ ప్రభాస్, రానా, రమ్యకృష్ణ, తమన్నాల అద్భుతమైన నటనకు తోడు పోరాట సన్నివేశాలు అబ్బురపరిచాయి. జక్కన్న సృజన, వీఎఫ్ ఎక్స్ నిపుణుల పనితనం చూసి అందారూ ఔరా అన్నారు. అంతటి చిత్రాన్ని భల్లాల దేవ రానా చిన్నది అని చెప్పారు. ఆయన పుట్టినరోజు సందర్భంగా బాహుబలి కంక్లూజన్ చిత్రంలోని భల్లాల దేవ పోస్టర్ ని రిలీజ్ చేశారు. ఇందుకు మంచి స్పందన వచ్చింది.
ఈ ఆనంద సమయంలో రానా మీడియాతో మాట్లాడుతూ బాహుబలి 2 కి సంబంధించిన ఆసక్తికర సంగతులు వెల్లడించారు. “బాహుబలి కంక్లూజన్ తో పోల్చుకుంటే బాహుబలి బిగినింగ్ చాలా చిన్నది. ఇప్పుడు పోస్ట్ ప్రొడక్షన్ వర్క్ జరుపుకుంటున్న బాహుబలి 2 లో అమోఘమైన పోరాట సన్నివేశాలున్నాయి. కదిలించే ఎమోషన్ సీన్స్ కి కొదవలేదు. ” అని రానా వివరించారు. సినీ అభిమానులందరూ ఎంతగానో ఎదురుచూస్తున్నా బాహుబలి 2 వచ్చే ఏడాది ఏప్రిల్ 28 న విడుదల కానుంది.
Also, do SUBSCRIBE to our YouTube channel to get latest Tollywood updates.
