యంగ్ రెబల్ స్టార్ ప్రభాస్, దర్శకధీరుడు ఎస్.ఎస్.రాజమౌళి కాంబినేషన్లో తెరకెక్కిన బాహుబలి కంక్లూజన్ మూవీ ట్రైలర్ కోసం ప్రపంచవ్యాప్తంగా ఫ్యాన్స్ ఎదురుచూస్తున్నారు. మోషన్ పోస్టర్స్ తో అంచనాలు పెంచిన జక్కన్న ట్రైలర్ ద్వారా సినిమా రుచి చూపించబోతున్నారు. ఈ ట్రైలర్ విడుదలపై ఈరోజు రాజమౌళి క్లారిటీ ఇచ్చారు. మార్చి 16 ఉదయం 9 గంటలకు థియేటర్లలో రిలీజ్ చేస్తామని వివరించారు. అదే రోజు సాయంత్రం 4 గంటలకు సోషల్ మీడియాలో విడుదల చేయనున్నట్లు జక్కన్న ఫేస్ బుక్ లైవ్ లో చెప్పారు.
“బాహుబలి: ది బిగినింగ్” కి కొనసాగింపుగా వస్తున్న ఈ చిత్రంలో దేవసేన (అనుష్క), శివగామి (రమ్యకృష్ణ) ల మధ్య మంచి ఎమోషనల్ డ్రామా ఉంటుందని డైరక్టర్ వెల్లడించారు. ఎన్నో అంచనాలున్న బాహుబలి 2 ఎటువంటి ఆలస్యం లేకుండా ఏప్రిల్ 28న ప్రపంచవ్యాప్తంగా థియేటర్లలోకి వస్తుందని నిర్మాతలు స్పష్టం చేశారు.
Also, do SUBSCRIBE to our YouTube channel to get latest Tollywood updates.
