“సెంచరీ” పై బాలయ్య డైలమా??

నందమూరి నటసింహం బాలయ్యకు ఉన్న అభిమాన తరంగం గురించి మనం పెద్దగా చెప్పుకోవాల్సిన పనిలేదు. దాదాపుగా బాలయ్యను అభిమానించే వారిని అభిమానులు అని పిలిచేకన్నా భక్తులు అంటే అతిశయోక్తి కాదు. ఎందుకంటే సహజంగా హీరోలకు అభిమానులుంటారు కానీ బాలయ్య విషయంలో ఆయనకు భక్తులే ఉన్నారు. ఇదిలా ఉంటే, 99 సినిమాలు దిగ్విజయంగా పూర్తి చేసుకుని దూసుకొచ్చిన బాలయ్య తన 100సినిమాపై మాత్రం ఇప్పటికీ క్లారిటీ ఇవ్వడంలేదు. అసలు ఆయన 100వ చిత్రం ఎవరితో చేస్తున్నాడు అన్నది ఒక క్వెస్చన్ మార్క్ గా మిగిలిపోయింది. మొదట్లో అందరూ సహజంగానే బాలయ్య తన 100వ సినిమాను చరిత్రలో నిలిచిపోయేలా చెయ్యాలనే ఆలోచనతో తనకు బ్లాక్ బష్టర్ హిట్స్ అందించిన బోయపాటి తో “గాడ్ ఫాదర్” అనే సినిమా చేస్తున్నట్లు వార్తలు వినిపించాయి. అయితే అదంతా కాదని బాలయ్య తన 100వ సినిమా అప్పట్లో తన కరియర్ కు టాప్ హిట్ గా నిలిచిన ఆదిత్య369 కు సీక్వెల్ ‘ఆదిత్య999’ అని దాని దర్శకుడు సింగీతం శ్రీనివాసరావు అని తానే స్వయంగా కేసీఆర్ కు సైతం తెలిపినట్లు వార్తలు గుప్పు మన్నాయి. ఇక ఇవన్నీ కాదని..”రామారావుగారు” అన్నటైటిల్ సైతం తెరపైకి వచ్చింది..పటాస్ ఫేం అనిల్ రావిపూడి చెప్పిన స్టోరీని బాలయ్య ఓకే చేయగా…త్వరలోనే ఈ సినిమా పట్టాలు ఎక్కనుంది అన్న వార్త సైతం గుప్పుమంది. ఇక అదే కోవలో తెలుగుదనంతో సినిమాలు తీసే కృష్ణవంశీ సైతం బాలయ్య 100వ సినిమాకు కధ తయారు చేస్తున్నాడు అన్న వార్త సైతం వినిపించింది. ఇవన్నీ వినిపించినవే కానీ, ఒక్కటి కూడా ఫైనల్ కాలేదు. మరి ఇలాంటి సమయంలో బాలయ్య ఎవరికి గ్రీన్ సిగ్నల్ ఇస్తాడో, ఎవరికి సారీ చెప్తాడో చూడాలి.