“అమరావతి”ని పాలించిన శాతవాహనుల రాజు కధ ఆధారంగా నందమూరి నట సింహం బాలకృష్ణ తన వందో సినిమాగా గౌతమిపుత్ర శాతకర్ణి చేస్తున్న సంగతి తెలిసిందే. అయితే బాలయ్య కరియర్ లోనే అత్యంత ప్రతిష్టాత్మకంగా, భారీగా తెరకెక్కుతుంది ఈ చిత్రం…అదే క్రమంలో మొన్నటిదాకా మొరాకొలో మొదటి షెడ్యూల్ పూర్తి చేసుకుని వచ్చిన చిత్రయూనిట్ రెండో షెడ్యూల్ ను… హైదరాబాద్ చిలుకూరు బాలాజి టెంపుల్ సమీపంలో షూటింగ్ జరుపుకుంటున్నారు. అయితే ఈ షూటింగ్ లో భాగంగా బాలయ్య గాయపడినట్లు సమాచారం అందుతుంది…భారీ యుద్ధ సన్నివేశాలతో కూడినా ఈ ఎపిసోడ్ లో బాలయ్య గుర్రం మీద నుండి కింద పడినట్లు తెలుస్తుంది. మరో పక్క పెద్దగా భయపడవలసిన పని లేదు అని… చిన్నపాటి గాయాలే తప్ప ప్యాక్చర్లు ఏమి కాలేదట..
బాలయ్య గుర్రంపై స్వారి చేస్తూ ఫైట్ చేస్తున్న సందర్భంలో ఈ ఘటన జరిగింది అని చిత్ర యూనిట్ చెబుతున్నారు. అభిమానుల కోసం బాలయ్య పడుతున్న తపన అంతా ఇంతా కాదు అని మరోసారి ఋజువు అయ్యింది…..ఇక ఎట్టి పరిస్థితుల్లో వచ్చే సంక్రాంతికి రిలీజ్ చేయాలనే ఉద్దేశంతో స్పీడ్ గా షూటింగ్ జరుపుకుంటుంది ఈ చిత్రం. మరి ఈ సినిమా బాలయ్య కష్టానికి తగిన ఫలితం అందిస్తుందో లేదో చూడాలి.
