ఈమధ్యకాలంలో ఎన్టీఆర్ కథానాయకుడు సినిమా రిజల్ట్ కంటే ఎక్కువగా బాలయ్యను బాధపెట్టిన విషయం ఏదైనా ఉంది అంటే అది ఆయన స్పీచ్ లు అనవసరంగా వైరల్ అవ్వడమే. ముఖ్యంగా ఆయన హిందీ స్పీచ్ లు, అందులో తప్పులు తెగ వైరల్ అయ్యాయి. దాంతో అందరూ బాలయ్యను ఎలా పడితే అలా కామెంట్ చేశారు. సాధారణంగా ఈ తరహా కామెంట్స్ కి గట్టి కౌంటర్ ఇచ్చే బాలయ్య.. తప్పు తనదే కావడంతో సైలెంట్ గానే ఉన్నాడు.
అయితే.. తాను చేసిన తప్పుల నుంచి గుణపాఠం నేర్చుకున్నాడో లేక ఎవరైనా గైడ్ చేశారో తెలియదు కానీ నిన్న గణతంత్ర దినోత్సవ వేడుకల్లో బాలయ్య వ్యవహారశైలి అందర్నీ ఆశ్చర్యానికి గురిచేసింది. ఎప్పుడూ చిన్నపిల్లాడిలా స్టేజ్ మీద అల్లరి చేసే బాలయ్య చాలా హుందాగా వ్యవహరించడమే కాదు.. చాలా ఇన్స్పైరింగ్ గా కూడా మాట్లాడాడు. చాలా క్యాల్కులేటెడ్ గా మాట్లాడుతున్న బాలకృష్ణను చూసి అందరూ నివ్వెరపోయారట. ఇదే ఫ్లో గనుక కంటిన్యూ చేస్తే బాలకృష్ణను వేలెత్తి చూపేవాళ్లు ఇకపై ఉండరు.
