హీరో నందమూరి బాలకృష్ణ క్రిష్ దర్శకత్వంలో ఎంతో ప్రతిష్టాత్మకంగా స్వర్గీయ నందమూరి తారకరామా రావు గారి బయోపిక్ సినిమాని తీస్తున్నాడు. ఈ సినిమా రెండు భాగాలుగా రానున్న విషయం మనకి తెలిసిందే. ప్రస్తుతం ఈ సినిమా షూటింగ్ శరవేగంగా జరుగుతుంది. ఇది ఇలా ఉంటె, డైరెక్టర్ క్రిష్ ఈ సినిమాలో సూపర్ స్టార్ కృష్ణ గారి పాత్ర కోసం మహేష్ బాబుని సంప్రదించగా దానికి మహేష్ నో చెప్పినట్లుగా వార్తలు వినిపించాయి. ఇక బాలయ్య బాబు స్వయంగా రంగంలోకి దిగి ఇదే విషయం పైన మహేష్ ని కలువబోతున్నాడనేది ఇపుడు ఇండస్ట్రీ లో హాట్ టాపిక్ గా మారింది.
అయితే హీరో మహేష్ బాబు ఎప్పుడు కృష్ణ గారి ఇమేజ్ ని కానీ, ఆయన సినిమాలను, పాటలను రీమేక్ చేయడానికి కానీ ఇష్టాన్ని ఎక్కువగా చూపరు. మరి అలాంటిది బాలయ్య కోసం ఎన్టీయార్ బయోపిక్ లో ఏకంగా సూపర్ స్టార్ కృష్ణ గారి క్యారెక్టర్ లో చేస్తాడా చెయ్యడ అనేది పెద్ద క్వశన్ మార్క్ అయింది. ఏది ఏమైనా బాలయ్య కోసం మహేష్ ఒప్పుకుంటాడో లేదో తెలియాలంటే మరి కొన్ని రోజుల్లో తెలుస్తుందంటున్నారు సినీ వర్గాలు. ఇక అన్ని వర్గాలకి నచ్చేవిధంగా అందరిని దృష్టిని పెట్టుకొని డైరెక్టర్ క్రిష్ అటు ఎన్టీయార్ బయోపిక్ ని సినిపరంగా, రాజకీయంగా ఎటువంటి వివాదాలు తలెత్తకుండా జాగ్రత్తగా డీల్ చేస్తున్నారనే వార్తలు వినిపిస్తున్నాయి.
