పురాణాలను బాగా వంట బట్టించుకోవడంలో నందమూరి నటసింహం బాలకృష్ణది అందేవేసిన చెయ్యి. ఆయన సంస్కృత పదాన్ని అయినా కూడా ఇట్టే చెప్పేయగలడు. పలు ఆడియో కార్యక్రమాల్లో, సినీ వేదికల్లో ఆయన చెప్పిన డైలాగ్ లే ఇందుకు నిదర్శనం. ఏదైనా ఓ చిత్రం చేస్తున్నారు అంటే తన తండ్రి ఎన్‌టి‌ఆర్ లానే ఆయన కూడా ఎంతో అకింత భావంతో.. ఆ చిత్రం పూర్తి అయ్యేంత వరకూ కూడా దర్శకునికి ఎటువంటి ఇబ్బందుకు కలగకుండా తన వంతు కృషి చేస్తుంటారు.
ఇప్పుడు ఇవన్నీ ఎందుకు అంటారా? క్రిష్ జాగర్లమూడి దర్శకత్వంలో గౌతమి పుత్ర శాతకర్ణి జీవిత చరిత్ర ఆథారంగా తెరకెక్కనున్న చిత్రం కోసం బాలయ్య ప్రస్తుతం పురాణాలను తిరగేస్తున్నారట. ఈ చిత్రంలో గౌతమిపుత్ర శాతకర్ణి పాత్రలో నటించడానికి ఆయన గురించి విలువైన సమాచారాన్ని, ఆయన వ్యక్తిగత శైలి, తదితర విషయాలను బాలయ్య బాబు ప్రస్తుతం తెలుసుకుంటున్నారని సమాచారం. ఫస్ట్ ఫ్రేమ్ ఎంటర్టైన్మెంట్ పతాకం పై రాజీవ్ రెడ్డి నిర్మిస్తున్న ఈ భారీ బడ్జెట్ చిత్రం.. త్వరలోనే సెట్స్ పైకి వెళ్లనుంది.
