ఈమధ్యకాలంలో ఎంచుకొనే కథల పరంగా ఎలాంటి రిస్క్ చేయని బాలయ్య.. తన సరసన నటించే హీరోయిన్లు మరియు దర్శకుల విషయంలో మాత్రం ఎప్పటికప్పుడు రిస్క్ చేస్తూనే ఉన్నాడు. ప్రస్తుతం కె.ఎస్.రవికుమార్ దర్శకత్వంలో “రాయల సింహం” (వర్కింగ్ టైటిల్) అనే సినిమాలో నటిస్తున్న బాలయ్య ఈ సినిమా కోసం ఒక సరికొత్త లుక్ లో దర్శనమిచ్చాడు. మొన్నటివరకూ ఎలక్షన్స్ హడావుడిలో ఉండి పెద్దగా స్టైలింగ్ చేయించుకొని బాలయ్య సినిమా కోసం మార్చి కొత్త లుక్ ఆయన అభిమానులను విశేషంగా ఆకట్టుకొంటుంది. ముఖ్యంగా.. ఆ లుక్ “అవెంజర్స్”లోని ఐరన్ మ్యాన్ లుక్ ను పోలి ఉండడంతో అందరూ ఆశ్చర్యపోతున్నారు.
బాలయ్య సరసన సోనాల్ చౌహాన్ కథానాయికగా నటిస్తున్న ఈ చిత్రంలో భూమిక ఓ కీలకపాత్ర పోషించనుంది. సి.కళ్యాణ్ నిర్మిస్తున్న ఈ చిత్రం రెగ్యులర్ షూటింగ్ వచ్చే నెల నుంచి మొదలవ్వనుంది. ఈ చిత్రంలో బాలయ్య ద్విపాత్రాభినయంలో కనిపించనున్నారు. ఎలక్షన్స్ లో భారీ మెజారిటీతో నెగ్గిన అనంతరం వస్తున్న సినిమా కావడంతో అటు ప్రేక్షకుల్లోనూ, ఇటు టిడిపి వర్గాల్లోనూ కొత్త ఎనర్జీ నింపే విధంగా సినిమా ఉండనుందని.. పోలిటికల్ సెటైర్స్ కూడా గట్టిగానే ఉంటాయని వినికిడి.
