నందమూరి బాలకృష్ణ నటించిన ‘రూలర్’ చిత్రం విడుదలకు సిద్ధంగా ఉంది. కె.ఎస్.రవికుమార్ డైరెక్షన్లో తెరకెక్కిన ఈ చిత్రం డిసెంబర్ 20న విడుదల కాబోతుంది. ఇప్పటికే విడుదల చేసిన టీజర్, ట్రైలర్ లు పెద్ద ఆశాజనకంగా లేకపోవడంతో ఈ చిత్రం పై పెద్దగా అంచనాలు లేవనే చెప్పాలి. ఇదిలా ఉంటే.. బాలయ్య ఫ్యాన్స్ దృష్టాంతా.. ఆయన 106 వ సినిమా పైనే ఉంది. బోయపాటి డైరెక్షన్లో ఈ చిత్రం తెరకెక్కబోతుండడంతో ఆ చిత్రం పై అంచనాలు ఏర్పడ్డాయి. గతంలో కూడా ‘సింహా’ ‘లెజండ్’ వంటి బ్లాక్ బస్టర్ చిత్రాలు వీరి కాంబినేషన్లో వచ్చాయి.
ఇక బోయపాటి చిత్రం కోసం బాలీవుడ్ నటుల్ని దింపుతున్నారు. హీరోయిన్ గా సోనాక్షి సిన్హాను సంప్రదిస్తున్నారట. అయితే ఈ చిత్రానికి ఆమె ఓకే చెబుతుందా లేదా అనేది తెలియాల్సి ఉంది. గతంలో కూడా కత్రినా కైఫ్, శిల్పా శెట్టి, తాను శ్రీ దత్తా, అమీషా పటేల్ వంటి బాలీవుడ్ హీరోయిన్లతో బాలయ్య నటించాడు. ఈ ఏడాది వచ్చిన ‘ఎన్టీఆర్ బయోపిక్’ లో కూడా విద్యా బాలన్ తో నటించాడు. హీరోయిన్ల విషయంలో బాలయ్య అస్సలు తగ్గదు అనే టాక్ ఇండస్ట్రీలో ఎప్పటి నుండో ఉంది. ఇక విలన్ పాత్ర కోసం సంజయ్ దత్ ను అనుకుంటున్నట్టు కూడా గత కొంత కాలం నుండీ వార్తలు వస్తున్న సంగతి తెలిసిందే. మరి చివరికి ఏం జరుగుతుందో చూడాలి..!
24 గంటల్లో హైయెస్ట్ వ్యూస్ అండ్ లైక్స్ సాధించిన లిరికల్ సాంగ్స్ ఇవే!
30 సౌత్ ఇండియన్ హీరోయిన్లు మరియు వారి చైల్డ్ హుడ్ పిక్స్!
