నందమూరి బాలకృష్ణ వందో సినిమా తరవాత జోరు పెంచారు. 101 వ సినిమాని ప్రస్తుతం పూరి జగన్నాథ్ దర్శకత్వంలో చేస్తున్నారు. ఈ మూవీ షూటింగ్ దశలో ఉండగానే తర్వాతి ప్రాజక్ట్ ని ఒకే చేశారు. తమిళ దర్శకుడు కె. ఎస్. రవికుమార్ దర్శకత్వంలో 102 వ సినిమాని చేయడానికి సిద్ధమయ్యారు. సి.కె. ఎంటర్‌టైనమెంట్స్‌ ప్రై.లిమిటెడ్‌ పతాకంపై సి. కల్యాణ్‌ ఈ సినిమా నిర్మించనున్న ఈ సినిమా జూలై 10 నుంచి రెగ్యులర్‌ షూటింగ్ జరుపుకోనుంది. ఎం.రత్నం కథ, మాటలు అందించిన సినిమాలో నటించే హీరోయిన్స్ ని తాజాగా ఫిక్స్ చేశారు.
ఇదివరకు బాలయ్యతో నటించని ఇద్దరు బ్యూటీలను తీసుకున్నారు. అందులో ఒకరు మిల్కీ బ్యూటీ తమన్నా, మరొకరు ప్రగ్యా జైశ్వాల్. ఈ కాంబినేషన్ నందమూరి అభిమానులకు కొత్త అనుభూతిని పంచనుంది. ఇక పూరి దర్శకత్వంలో బాలయ్య చేస్తున్న మూవీ ఫస్ట్ లుక్ వచ్చే నెల 10 న రిలీజ్ కానుంది. భవ్య క్రియేషన్స్ బ్యానర్ లో ఆనంద్ ప్రసాద్ నిర్మిస్తున్న ఈ సినిమా సెప్టెంబర్ 29న థియేటర్లోకి రానుంది.
Also, do SUBSCRIBE to our YouTube channel to get latest Tollywood updates.
