కెరీర్ ప్రారంభంలో కమెడియన్ గా అనేక సినిమాలు చేసి మంచి గుర్తింపు తెచ్చుకున్న కమెడియన్ బండ్ల గణేష్. ఇక అటు తరువాత పవన్ కళ్యాణ్, జూ.ఎన్టీఆర్, రాంచరణ్, అల్లు అర్జున్ వంటి స్టార్ హీరోలతో సినిమాలు నిర్మించి అందరినీ షాక్ కి గురిచేశాడు. ఇక అటు తరువాత తెలంగాణ ముందస్తు ఎన్నికల్లో కాంగ్రెస్ పార్టీలో చేరి ప్రచారం చేసాడు బండ్ల. అయితే ఏమైందో ఏమో తెలీదు..తరువాత రాజకీయాలకు గుడ్ బై చెప్పి ఇప్పుడు మళ్ళీ సినిమాల్లో బిజీ అవ్వాలని చూస్తున్నాడు.
ఈ క్రమంలో తెలుగు ‘బిగ్ బాస్ 3’ నిర్వాహకులు బండ్ల గణేష్ ను సంప్రదించారట. ‘తమ షోలో పాల్గొనవలసిందంటూ, ఆ షో గురించి పూర్తి వివరాలను ఆయనకు వివరించారట. అయితే ‘ఫోన్ అందుబాటులో లేకుండా అన్నేసి రోజులు ఉండటం నా వల్ల కాదంటూ’ ఇక్కడ కూడా కామెడీ చేసి బండ్ల గణేష్ సున్నితంగా తిరస్కరించాడట. ఇక ఇదే క్రమంలో ఒకప్పటి హీరో ‘తొట్టెంపూడి వేణు’ను కూడా బిగ్ బాస్ నిర్వాహకులు సంప్రదించినట్టు తెలుస్తుంది.
