సినిమా రిలీజై ఆల్రెడీ రెండు నెలలు పూర్తి కావస్తుంటే.. మళ్ళీ రిలీజవుతుంది అంటారేంటబ్బా అని తెగ ఆలోచించేస్తున్నారా? రిలీజ్ అవుతున్న విషయం కరెక్టే కానీ.. థియేటర్లలో కాదు, పాపులర్ డిజిటల్ ప్లాట్ ఫార్మ్ అయిన అమేజాన్ ప్రైమ్ లో. ఏప్రిల్ 20న ప్రపంచవ్యాప్తంగా విడుదలైన “భరత్ అనే నేను” మహేష్ బాబు కెరీర్ లోనే బిగ్గెస్ట్ హిట్ గా నిలిచి 100 కోట్ల పైచిలుకు షేర్ ను సాధించిన “భరత్ అనే నేను” సరిగ్గా 50 రోజుల తర్వాత అమేజాన్ లో ప్రత్యక్షమవుతుండడంతో..
రెండోసారి లేదా మూడోసారి తమ అభిమాన హీరో సినిమాను చూడలేకపోయామని బాధపడుతున్నవాళ్లందరు జూన్ 9వ తారీఖున “భరత్ అనే నేను” ఎప్పుడు అప్లోడ్ అవుతుందా అని వెయిట్ చేస్తున్నారు. కొన్ని ఎడిట్ చేసిన సన్నివేశాలు కూడా ఈ ఆన్ లైన్ వెర్షన్ లో యాడ్ చేసి రిలీజ్ చేయనున్నారని తెలుస్తోంది. సో, థియేటర్లో చూడడం కుదరని సన్నివేశాలను కూడా అమేజాన్ ప్రైమ్ లో చూడవచ్చన్నమాట.
