యూనివర్సల్ హీరో కమల్ హాసన్, శంకర్ కాంబినేషన్లో వచ్చిన ‘భారతీయుడు’ చిత్రం ఎంత పెద్ద సంచలన విజయాన్ని నమోదు చేసిందో ప్రత్యేకంగా చెప్పనక్కర్లేదు. ఇప్పుడు ఈ చిత్రానికి సీక్వెల్ రూపొందుతున్న సంగతి తెలిసిందే. ఇటీవల ఈ చిత్రం లాంఛనంగా మొదలైంది కూడా. 200 కోట్ల భారీ బడ్జెట్ తో ఈ చిత్రం రూపొందనుంది. ప్రముఖ ‘లైకా ప్రొడక్షన్స్’ సంస్థ ఈ చిత్రాన్ని నిర్మించనుంది. అయితే కొన్ని కారణాల వల్ల ఈ చిత్రం షూటింగ్ ఆగిపోయింది. కమల్ రాజకీయాల్లో బిజీగా ఉండడం వలనే ఆగిపోయిందంటూ కొన్నాళ్ళు ప్రచారం జరిగింది. కాదు దర్శక నిర్మాతల మథ్య గొడవ జరుగడం వలనే ఆగిపోయిందని కూడా ప్రచారం జరిగింది.
ఇప్పుడు ఆ గొడవలన్నీ కమల్ దగ్గరుండీ సెట్ చేసారని అందుకే మళ్లీ సెట్స్ పైకి వెళ్లడానికి రంగం సిద్ధమైందని వార్తలు వచ్చాయి. ఇప్పుడు రిలీజ్ డేట్ కూడా ఫిక్స్ చేసినట్టు తాజా సమాచారం. 2021లో తమిళ సంవత్సరాదిని పురస్కరించుకుని మార్చి14వ న ఈ చిత్రాన్ని విడుదల చేయాలనే ఆలోచనలో దర్శక నిర్మాతలు ప్లాన్ చేశారట. ఆ దిశగానే షెడ్యూల్స్ ను ప్లాన్ చేసుకుంటున్నారని తెలుస్తుంది. కాజల్ హీరోయిన్ గా నటిస్తున్న ఈ చిత్రానికి అనిరుధ్ సంగీతమందిస్తున్నాడు.
