దేవి శ్రీ ప్రసాద్, తమన్ టాలీవుడ్ లో టాప్ మ్యూజిక్ డైరెక్టర్లుగా కొనసాగుతున్నారు. గోపిసుందర్, అనూప్ రూబెన్స్, మిక్కీ జె మేయర్ వంటి మ్యూజిక్ డైరెక్టర్లు ఉన్నా.. స్టార్ హీరోల దృష్టి వారి పై ఉండదు. ఏదో పవన్ కళ్యాణ్ అనూప్ రూబెన్స్ కు రెండు సార్లు ఛాన్స్ ఇచ్చాడు, ఇక మహేష్ బాబు కూడా మిక్కీ జె మేయర్ కు రెండు సార్లు ఛాన్స్ ఇచ్చారు. అలా అని ఇప్పుడు కమర్షియల్ సినిమా అంటే తమన్, దేవిశ్రీ లే కావాలి. పోటీ కూడా వీరిద్దరి మధ్యే ఉంటుంది. నాన్ బాహుబలి రికార్డులన్నీ వీరిద్దరి పేర్లతోనే ఉన్నాయి.
అయితే వీరిద్దరి మధ్య కోల్డ్ వార్ కూడా జరుగుతుందని తాజాగా క్లారిటీ వచ్చింది. గతంలో తమన్ కాపీ మ్యూజిక్ అంటూ నెటిజన్లు ఓ రేంజ్లో ట్రోల్ చేసేవారు. అయితే ‘తొలిప్రేమ’ చిత్రం తర్వాత ఆ ట్రోలింగ్ కాస్త తగ్గింది. ‘అరవింద సమేత’ తో మరింత తగ్గింది. ఒకానొక సమయంలో.. దేవి శ్రీ కూడా ట్యూన్స్ రిపీట్ చేస్తాడని తమన్. ఇదిలా ఉండగా తాజాగా ‘మహర్షి’ చిత్రానికి ఆశించిన స్థాయిలో సంగీతం అందించలేకపోయాడు దేవి. రెండు పాటల మినహాయిస్తే మిగిలినవన్నీ తేలిపోయాయి. అయినప్పటికీ మహేష్ మాత్రం దేవిని ప్రశంసలతో ముంచెత్తున్నాడు. తన తదుపరి సినిమాకు కూడా దేవిశ్రీప్రసాద్ నే సంగీత దర్శకుడిగా తీసుకున్నాడు. ఈ నేపథ్యంలో ఓ మహేష్ అభిమాని.. దేవిని కాకుండా తమన్ ని తీసుకోమని ‘దూకుడు’ సినిమాకు ఇంట్రో క్లిప్ ని ట్విట్టర్లో పెట్టి పోస్ట్ చేసాడు. అంతేకాదు దేవి పై నెగెటివ్ కామెంట్స్ కూడా చేశాడు. అయితే ఈ పోస్ట్ కి తమన్ లైక్ కొట్టడం ఇప్పుడు సంచలనంగా మారింది. ఆ అభిమానితో ఏకీభవిస్తున్నట్లు తమన్ ఇలా చెప్పకనే చెప్పాడు. ఈ పోస్ట్ కాస్త దేవిశ్రీప్రసాద్ అభిమానుల కంట పడడంతో వాళ్ళు తమన్ డప్పుల క్లిప్స్ తో కౌంటర్ ఇచ్చే పనిలో పడ్డారు. మొత్తానికి ఒక లైక్ పెద్ద వివాదానికి దారి తీసింది.
