2020 సంక్రాంతికి బిగ్ ఫైట్ జరిగిన సంగతి తెలిసిందే. రజినీకాంత్ ‘దర్బార్’, మహేష్ బాబు ‘సరిలేరు నీకెవ్వరు’, అల్లు అర్జున్ ‘అల వైకుంఠపురములో’, కళ్యాణ్ రామ్ ‘ఎంతమంచి వాడవురా’ వంటి బడా చిత్రాలు.. ఈ ఏడాది సంక్రాంతి బరిలో తలబడ్డాయి. వీటిలో ‘అల వైకుంఠపురములో’ చిత్రం సంక్రాంతి విన్నర్ గా నిలవగా.. ‘సరిలేరు నీకెవ్వరు’ చిత్రం రన్నర్ గా ముగిసింది. అయితే మార్చి నుండీ కరోనా వల్ల థియేటర్లు మూతపడటం..
6నెలల వరకూ తెరుచుకోకపోవడంతో.. 2021 సంక్రాంతికి అసలు సినిమాల సందడే ఉండదేమో అనే అనుమానం అందరికీ కలిగింది. అయితే అతి త్వరలోనే థియేటర్లు తెరుచుకోనున్నాయి. కానీ ఈ 3 నెలలు కరోనా భయంతో జనాలు థియేటర్లకు తరలివస్తారన్న గ్యారెంటీ లేదు. కాబట్టి.. చాలా సినిమాలు 2021 సంక్రాంతినే టార్గెట్ చేసాయి. పవన్ కళ్యాణ్ ‘వకీల్ సాబ్’ చిత్రాన్ని సంక్రాంతికే విడుదల చెయ్యాలని నిర్మాత దిల్ రాజు భావిస్తున్నారు. అంతేకాదు ప్రేక్షకులు ఎంతో ఆసక్తిగా ఎదురుచూస్తున్న ‘కె.జి.ఎఫ్ చాప్టర్2’ చిత్రం కూడా సంక్రాంతికే విడుదల కానుంది.
వీటితో పాటు అఖిల్.. ‘మోస్ట్ ఎలిజిబుల్ బ్యాచిలర్’, నితిన్ ‘రంగ్ దే’, బెల్లంకొండ సాయి శ్రీనివాస్ ‘అల్లుడు అదుర్స్’ చిత్రాలతో పాటు.. రానా ‘అరణ్య’ చిత్రం కూడా సంక్రాంతికే విడుదలకాబోతుంది. దీంతో 2021 సంక్రాంతికి కూడా బిగ్ ఫైట్ తప్పేట్టు లేదు. మరి ఈసారి సంక్రాంతి విన్నర్ గా ఏ సినిమా నిలుస్తుందో చూడాలి..!
Most Recommended Video
టాలీవుడ్ లో తెరకెక్కిన హాలీవుడ్ చిత్రాలు!
బిగ్‌బాస్‌ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
