బిగ్‌బాస్‌ తెలుగు ఐదో సీజన్‌ ఆఖరి దశకు చేరుకుంది. సుమారు నెల రోజుల్లో సీజన్‌ ముగిసిపోతుంది. గత వారం ఎలిమినేట్‌ అయిన ఆని మాస్టర్‌తో కలిపి 11 మంది బయటకు వెళ్లారు. దీంతో ఇంకా 8 మంది మాత్రమే మిగిలారు. మరో మూడు వారాల్లో ముగ్గురు వెళ్లిపోతారు. ఇదంతా బిగ్‌బాస్‌ కొత్త సీజన్‌ ముగింపు లెక్కలు. అయితే ఇక్కడ మరో చర్చ ఆసక్తికరంగా సాగుతోంది. ఈ సీజన్‌ గ్రాండ్‌ ఫినాలేకి ఎవరు గెస్ట్‌గా వస్తారు. ఇప్పుడు ఇదే హాట్‌టాపిక్‌. దీనికి ఆసక్తికరమైన సమాధానం వినిపిస్తోంది.
టీవీ వర్గాల లెక్కల ప్రకారం బిగ్‌బాస్‌ ఐదో సీజన్‌ ఫినాలే డిసెంబరు 19న నిర్వహిస్తారట. ఎప్పటిలాగే ఈసారి కూడా రెండు రోజుల పాటు చిత్రీకరించి ఒకే రోజు టెలీకాస్ట్‌ చేస్తారని తెలుస్తోంది. ఆఖరి ముగ్గురు ఉన్నప్పుడు కార్యక్రమం లైవ్‌ స్ట్రీమింగ్‌ అవుతుంది. నాలుగో సీజన్‌లో ఇలానే చేశారు. విజేత ఎవరు అనేది ముందుగా తెలియకుండా ఉండేలా ఈ మార్పు చేశారు. దానినే ఈసారి కూడా కొనసాగిస్తారని భోగట్టా. మరి ఫినాలేలో సందడి చేయబోయే కీలక వ్యక్తులు ‘ఆర్‌ఆర్‌ఆర్‌’ టీమ్‌ అని టాక్‌.
సినిమా కీలక సభ్యులైన రాజమౌళి, ఎన్టీఆర్‌, రామ్‌చరణ్‌ స్టేజీ మీదకు వస్తారని సమాచారం. ఒకవేళ అదే జరిగితే… తారక్‌ చాలా రోజుల తర్వాత బిగ్‌బాస్‌ స్టేజీ ఎక్కతున్నట్లు. తొలి సీజన్‌కు హోస్ట్‌ చేసిన తర్వాత మళ్లీ ఇటువైపు రాలేదు తారక్‌. చరణ్‌ అయితే మొన్నీమధ్య డిస్నీ ప్లస్‌ హాట్‌స్టార్‌కి బ్రాండ్‌ అంబాసిడర్‌గా ఎంపికయ్యాక ఒకసారి వచ్చాడు. జక్కన్న అయితే తొలిసారి. ఇదంతా చూస్తుంటే ఈ ఫైనల్స్‌ మామూలుగా ఉండేలా లేవు.
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
