నాగార్జున హోస్ట్ గా వ్యవహరిస్తున్న ‘బిగ్ బాస్3’ చివరి దశకు చేరుకుంది. మరో రెండు వారాల్లో ఈ సీజన్ ముగుస్తుంది. నవంబర్ 1 న ఫైనల్ అని తెలుస్తుంది. ఇదిలా ఉండగా ఇప్పుడు.. లగ్జరీ బడ్జెట్ టాస్క్ లో భాగంగా హౌస్మేట్స్ అందరితో ‘ఫ్రీజ్.. రిలీజ్’ అంటూ వారితో ఆడుకుంటున్నాడు బిగ్ బాస్. ఇక సుమారు 3 నెలల నుండీ ఇంటి సభ్యులహాతో దూరంగా ఉంటూ వస్తున్న హౌస్ మేట్స్ కు రిలీఫ్ ఇవ్వడానికి వారి కుటుంబీకులను కూడా లోపలి పంపిస్తున్నాడు. ఇప్పటీకే శివజ్యోతి భర్త, బాబా భాస్కర్ కుటుంబం, అలీ రేజా భార్య, వితిక చెల్లి వంటి వారు హౌస్ లోకి వెళ్లి కాసేపు సందడి చేశారు.
ఇక ఈరోజు రాహుల్ మరియు వరుణ్ రిలేటివ్స్ కూడా హౌస్ లోపలి వెళ్ళినట్టు ప్రోమోలు విడుదల చేశారు. అయితే ఆ ప్రోమోకి అంత రెస్పాన్స్ రాలేదు అనుకున్నాడో.. ఏమో.. ఇప్పుడు శ్రీముఖి తల్లి హౌస్ లోపలికి వచ్చినట్టు కూడా ఓ ప్రోమోని విడుదల చేసాడు. తల్లిని చూసిన సంతోషంలో పరిగెత్తుకుని వస్తున్న శ్రీముఖిని ‘బిగ్ బాస్’ ఫ్రీజ్ అనడం. అలాగే ఆమె తల్లిని వచ్చినదారినే బయటకి వెళ్ళిపోమనడం.. చేశాడు ‘బిగ్ బాస్’. ఇక ఆ వెంటనే శ్రీముఖి పెద్ద ఎత్తున ఏడుస్తున్న ప్రోమో ఇప్పుడు సోషల్ మీడియాలో తెగ వైరల్ అవుతుంది. ఈరోజు ఎపిసోడ్ పై క్యూరియాసిటీ పెంచడానికే ఈ ప్రోమోని విడుదల చేసినట్టు తెలుస్తుంది. కాకపోతే మొదటి నుండీ ‘బిగ్ బాస్’ ఎక్కువ ఫోకస్ శ్రీముఖి పైనే పెడుతున్నాడని కొందరు కామెంట్స్ చేస్తున్నారు. గతంలో కూడా టాస్క్ లో భాగంగా కుటుంబ సభ్యులను కలుసుకునే టాస్క్ ఒకటి పెట్టాడు ‘బిగ్ బాస్’. అప్పుడు కూడా శ్రీముఖి తమ్ముడు శుష్రుత్ నే ఎక్కువ సేపు చూపించారంటూ మిగిలిన హౌస్మేట్స్ రెలేటివ్స్ గొడవ పెట్టారట. అప్పుడు కూడా శ్రీముఖి ఎక్కువగా ఏడుస్తున్నట్టు చూపించాడు ‘బిగ్ బాస్’ అంటూ కామెంట్స్ చేసారు కొందరు. ‘ఎంత ఆమెకు క్రేజ్ ఉంటే మాత్రం ఎంతసేపు ఆమెనే హైలెట్ చేయడం కరెక్ట్’ కాదు అంటూ మరికొందరు కామెంట్స్ చేస్తున్నారు.
బాలీవుడ్ లో మంచి కలెక్షన్లు రాబట్టిన సౌత్ సినిమాలు..?
చిరంజీవి అతిధి పాత్ర చేసిన సినిమాలు?
