ఒక సినిమా పోస్టర్ మరొక సినిమా పోస్టర్ ను పోలి ఉండడం ఈమధ్యకాలంలో సర్వసాధారణం అయిపోయింది. మన తెలుగు/తమిళ భాషా చిత్రాల పోస్టర్లు మాత్రమే కాక హిందీ సినిమాల పోస్టర్లు కూడా హాలీవుడ్ సినిమాల పోస్టర్లను తలపిస్తున్నాయి. ఇటీవల రాజనీకాంత్ “కబాలి” పోస్టర్ ను హిందీ సినిమా “మదారి” నుంచి కాపీ కొట్టారని సోషన్ నెట్వర్కింగ్ సైట్లలో బాగా హల్ చల్ జరిగింది.
తాజాగా ఆ తరహా సంఘటన మరొకటి చోటు చేసుకొంది. “తాని ఒరువన్” తర్వాత జయం రవి-అరవిందస్వామి మరోమారు జతకట్టి నటిస్తున్న సినిమా “బోగన్”. హన్సిక కథానాయికగా నటిస్తున్న ఈ చిత్రం పోస్టర్ ను ఇటీవల విడుదల చేశారు. పోస్టర్ విడుదలైన్ అరగంటకే అది హిందీ సినిమా “దిల్ వాలే” పోస్టర్ కు కాపీ అని తెలిసిపోయింది.
దాంతో దర్శకుడు రంగంలోకి దిగి.. అసలు నేను ఆ సినిమా పోస్టర్ చూడలేదు. కేవలం మా కథను ఎలివేట్ చేసే స్టైల్ లో ఈ పోస్టర్ ను డిజైన్ చేయడం జరిగింది అంటూ వివరణ ఇచ్చాడు!
