ప్రభాస్ ఒక నేషనల్ స్టార్ గా మారిపోయాడు అంటే ఎవ్వరు కాదన్నా ఒప్పుకోక తప్పని నిజం… ఒక్క బాహుబలి సినిమాతో ప్రభాస్ రేంజ్ పూర్తిగా మారిపోయింది. అదే క్రమంలో ప్రభాస్ అభిమానులు అయితే టాలీవుడ్ టాప్ హీరోల్లో టాప్ ప్లేస్ మా ప్రభాస్ దే అంటూ కాలర్ ఎగరేసేసి హడావిడి చేసేస్తున్నారు. అయితే అలాంటి ప్రభాస్ తో తాము బాలీవుడ్ లో నటించేందుకు నో చెప్పారట ఇద్దరు ముద్దుగుమ్మలు, విషయం ఏమిటి అంటే…ప్రస్తుతం ప్రభాస్ సాహో సినిమాలో నటిస్తున్న విషయం తెలిసిందే. అయితే 150 కోట్ల భారీ బడ్జెట్ తో తెలుగు తమిళ హిందీ భాషలలో ఒకేసారి విడుదల చేయడానికి టార్గెట్ ఏర్పరుచుకుని ఈసినిమాకు 150 కోట్ల భారీ బడ్జెట్ ను ఖర్చు పెడుతున్నారు. దర్శకుడు సుజిత్ దర్శకత్వం వహిస్తున్న ఈమూవీకి సంబంధించి ఇప్పుడు హీరోయిన్ ఎంపిక పై దృష్టి పెట్టారు. అయితే తెలుస్తున్న సమాచారం మేరకు ఈమూవీకి హీరోయిన్ గా బాలీవుడ్ బ్యూటీలు పరిణితి చోప్రా శ్రద్ధా కపూర్ లలో ఎవరో ఒకర్ని హీరోయిన్ గా ఎంపిక చేస్తే బాగుంటుంది అన్న ఆలోచనలలో ఈసినిమా దర్శక నిర్మాతలు ఉన్నారని వార్తలు వస్తున్నాయి.
అయితే ఇప్పటికే ఈ బ్యూటీలు ఇద్దరితో ఈసినిమా ప్రాజెక్ట్ కు సంబంధించి మ్యాటర్ మాట్లాడినట్లు తెలుస్తుంది. అదే క్రమంలో ప్రభాస్ తో తమకు నటించడం ఇష్టమే అని కానీ కొన్ని కండీషన్స్ ఉన్నాయి అంటున్నారట ఈ అందాల భామలు. కండీషన్స్ విషయంలోకి కాస్త పరిశీలిస్తే, తాము ఈసినిమాకు సంబంధించి తెలుగు తమిళ వర్షన్స్ లో నటించడానికి ఎటువంటి అభ్యంతరం లేకపోయినా తాము ప్రభాస్ పక్కన హిందీ వర్షన్ లో మాత్రం నటించము అని చెప్పినట్లు వార్తలు వస్తున్నాయి. అయితే ఈ వార్త వినగానే ప్రభాస్ ఫ్యాన్స్ ఫైర్ అయిపోతున్నారు… బాలీవుడ్ రికార్డులను, బాలీవుడ్ హీరోల సినిమాలను తలదన్నేలా సినిమా చేసిన తమ హీరోని కాదంటారా అంటూ సోషియల్ మీడియాలో రగిలిపోతున్నారు. మొత్తంగా అదీ ప్రభాస్ తో బాలీవుడ్ భామల మ్యాటర్.
Also, do SUBSCRIBE to our YouTube channel to get latest Tollywood updates.
