జగపతి బాబు హీరో నుంచి విలన్ గా మారిన తర్వాత అతని కెరీర్ వేగం పుంజుకుంది. లెజెండ్ సినిమా నుంచి అతనికి విలన్ పాత్రలు ఎక్కువగా వస్తోంది. రీసెంట్ గా రంగస్థలం చిత్రంలోను జగపతి బాబు ప్రెసిడెంట్ పాత్రలో ఎక్కువ మార్కులు కొట్టేశారు. విలన్ రోల్ అంటే అందరికీ మొదట జగపతిబాబు గుర్తుకు వస్తున్నారు. తెలుగు వారికీ మాత్రమే కాకుండా బాలీవుడ్ ఫిలిం మేకర్స్ కి కూడా జగపతి బాబు బెస్ట్ ఛాయిస్ అయ్యారు. అందుకే ప్రభుదేవా దర్శకత్వంలో తెరకెక్కనున్న దబాంగ్ సినిమాలో విలన్ గా నటించే అవకాశాన్ని అందుకున్నారు.
టాలీవుడ్, బాలీవుడ్ మాత్రమే కాకుండా నెటిజనులు సైతం భయపెట్టడానికి సిద్ధమవుతున్నారు. ప్రస్తుతం వెబ్ సిరీస్ ల హవా కొనసాగుతోంది. అందుకే అమెజాన్ వీడియో కోసం ఓ భారీ వెబ్ సిరీస్ ప్లాన్ చేసారు. అత్యంత భారీ బడ్జెట్ తో తెరకెక్కుతోన్న ఈ సిరీస్ లో జగపతి బాబు గ్యాంగ్ స్టర్ పాత్రలో కనిపిస్తాడని తెలిసింది. అజయ్ భుయాన్ దర్శకత్వంలో తెరకెక్కే ఈ సిరీస్ త్వరలోనే షూటింగ్ మొదలు కానుంది. ఇప్పటికే టాలీవుడ్, బాలీవుడ్ సినిమాలతో బిజీగా ఉన్న జగపతి బాబు వెబ్ సిరీస్ తో క్షణం కూడా తీరికలేకుండా కష్టపడనున్నారు.
