మాస్ డైరక్టర్ బోయపాటి శ్రీను సినిమాలో యాక్షన్ సీక్వెన్స్ అదిరిపోతాయి. అటువంటి యాక్షన్ సీన్స్ కొత్త చిత్రంలోనూ ఎన్నో ఉండనున్నాయి. ప్రస్తుతం బోయపాటి రామ్ చరణ్ తో సినిమా చేస్తున్న సంగతి తెలిసిందే. ఈ సినిమా మొదటి షెడ్యూల్ ని చెర్రీ లేకుండా కంప్లీట్ చేశారు. రెండో షెడ్యూల్ కొన్ని రోజుల క్రితం ప్రారంభమయింది. ఇందులో చరణ్ పాల్గొన్నారు. కొన్ని డైలాగ్ సీన్స్ కంప్లీట్ చేసిన డైరక్టర్ తాజాగా యాక్షన్ సీన్ తెరకెక్కిస్తున్నారు. ఇంట్రవెల్ కి ముందు వచ్చే ఎపిసోడ్ ని షూట్ చేస్తున్నారు. తమిళ్ స్టంట్ కొరియోగ్రాఫర్ కనల్ కన్నన్ నేతృత్వంలో ఈ ఫైట్ చిత్రీకరిస్తున్నారు. వందల మంది ఫైట్స్ ఇందులో పాల్గొంటున్నారు. మరికొన్ని రోజులు ఈ ఫైట్ షూట్ సాగుతుంది. సినిమాలోనే ఈ సీన్ హైలెట్ కానుందని చిత్ర బృందం తెలిపింది.
రాజవంశస్థుల నేపథ్యంలో తెరకెక్కనున్న సినిమాలో భరత్ అనే నేను బ్యూటీ కైరా అద్వానీ హీరోయిన్ గా నటిస్తోంది. డీవీవీ దానయ్య భారీ బడ్జెట్ తో నిర్మిస్తున్న ఈ చిత్రంలో రామ్ చరణ్ కి అన్నయ్యలుగా తమిళ హీరో ప్రశాంత్‌ (జీన్స్‌ హీరో), నవీన్‌ చంద్ర(అందాల రాక్షసి), ఆర్యన్ రాజేష్ (సొంతం) నటించనున్నారు. చెర్రీ కి వదినలుగా అలనాటి హీరోయిన్ స్నేహ, అనన్య (‘జర్నీ’ ఫేం), హిమజలు కనిపించనున్నారు. విలన్ గా వివేక్ ఓబరాయ్ పోటీపడనున్నారు. మిల్కీ బ్యూటీ తమన్నా కూడా స్పెషల్ సాంగ్ తో అదరగొట్టనున్నట్టు సమాచారం. రంగస్థలం తర్వాత చరణ్ చేస్తున్న సినిమాపై అంచనాలు భారీ స్థాయిలో ఉన్నాయి.
