టాలీవుడ్ చరిత్రలో మాస్ సినిమాలకి సరికొత్త నిర్వచనం చెప్పిన దర్శకుడు మన బోయపాటి శ్రీను…ఇప్పుడు బోయపాటి పరిస్థితి దాదాపుగా టాప్ దర్శకుడి రేంజ్….మరి అలాంటి క్రమంలో ఈ దర్శకుడు కష్టాలు పడటం ఏంటి అంటారా?? అక్కడే ఉంది అసలు పాయంట్…..విషయంలోకి వెళితే….బోయపాటితో ఒక సినిమా తీసి తన కొడుకుని ఎక్కడికో తీసుకు వెళ్ళాలి అని అనుకున్నాడు మన నిర్మాత బెల్లంకొండ సురేష్. అయితే అదే క్రమంలో ముహూర్తం షాట్ ఫిక్స్ చేసి….కెమెరా స్విచ్ సైతం ఆన్ చేశారు. కానీ అనుకోని కారణాల వల్ల ఆ సినిమా రెండో అడుగు వేయలేదు.
అయితే ఇదిలా ఉంటే ఆ తరువాత బోయపాటి వెంటనే….బన్నీతో ‘సరైనోడు’ చేసేసాడు. కట్ చేస్తే ఆ సినిమాలో మ్యాటర్ ఏమీ లేకపోయినా సూపర్ హిట్ అయిపోయింది….అదీ మరి మన బోయపాటి స్టామినా…ఇదిలా ఉంటే ఈ సినిమా హిట్ చూసిన మన నిర్మాత బెల్లంకొండ….బోయపాటి తన కొడుకు తో సినిమా తీయాల్సిందే అంటూ పట్టుబట్టుకుని కూర్చున్నాడు. కానీ శ్రీనివాస్ కి తగ్గట్టుగా ఒక యూత్ కథ మన బోయపాటి దగ్గర లేకపోవడం సమస్యని మళ్ళీ మొదటికి తీసుకొచ్చింది. సరైనోడు సినిమా విడుదల అయిన దగ్గర నుంచీ శ్రీనివాస్ కి సెట్ అయ్యే కథ కోసం అందరూ కిందా మీదా పడుతూనే ఉన్నారు. సరైనోడు చిత్రం విడుదల తరవాత తన రైటర్ లని ప్రత్యేకంగా పిలిచి పార్టీ ఇచ్చి మరీ బెల్లం కొండ వారి అబ్బాయి కోసం మంచి కథ చెయ్యమని కోరాడు బోయపాటి శ్రీను.
కానీ ఇప్పటి వరకూ బెల్లంకొండ కి ఇచ్చిన కథల్లో ఏవీ ఆయనకి నచ్చట్లేదు. ఎవ్వరూ టచ్ చెయ్యని పాయింట్ తో శ్రీనివాస్ ని భారీగా రెండోసారి ఇంట్ర డ్యూస్ చెయ్యాలి అనేది బెల్లం కొండ ప్లాన్ గా తెలుస్తోంది. తండ్రిగా కొడుకుని ఎలా చూపిస్తే బావుంటుందో అన్న ఆలోచన ఉండడం మంచిదే కానీ….బడా హీరోలను చూపించినట్లు చూపిస్తే యువ హీరోలను పట్టించుకోరు ప్రేక్షకులు అనేది బోయపాటి పాయింట్….అదే క్రమంలో బోయపాటికి బెల్లంకొండ శ్రీనివాస్ తో సినిమా చేసేందుకు భారీ ఆఫర్ ఇచ్చాడు మన బెల్లంకొండ…ఒక పక్క ఆఫర్ వదులుకోలేక….మరో పక్క సరైన కధ దొరక్క రకరకాల కష్టాలు పడుతున్నాడు మన మాస్ దర్శకుడు.
