“అప్పట్లో ఒకడుండేవాడు, జయమ్ము నిశ్చయమ్మురా, మెంటల్ మదిలో, నీదీ నాదీ” వంటి సినిమాలతో నటుడిగా సంపాదించుకొన్న పేరు & ఇమేజ్ మొత్తం “వీర భోగ వసంత రాయులు” అనే కళాఖండంలో నటించి పోగొట్టుకున్నాడు శ్రీవిష్ణు. ఇక మనోడి కెరీర్ అయిపోయింది.. క్యారెక్టర్స్ రోల్స్ చేసుకుంటూ నెట్టుకురావడమే అనుకొన్నారు అందరూ. కానీ.. సదరు విశ్లేషకుల అంచనాలను తలకిందులు చేస్తూ “తిప్పరా మీసం, బ్రోచేవారెవరురా” అనే సినిమాలతో ప్రేక్షకుల ముందుకు వచ్చేందుకు సన్నద్ధమయ్యాడు శ్రీవిష్ణు.
అయితే.. సదరు సినిమాల సక్సెస్ మీద ఎవరికీ పెద్దగా హోప్స్ లేవు. ఈ శుక్రవారం విడుదలవుతున్న “బ్రోచేవారెవరురా” అనే సినిమా గురించి ఇప్పటికీ చాలామందికి తెలియదు. నివేదా థామస్ కథానాయికగా నటిస్తున్న ఈ చిత్రం సాంగ్స్ & ప్రోమోస్ ఆసక్తికరంగానే ఉన్నా.. ఎందుకో సినిమా మీద మాత్రం బజ్ క్రియేట్ అవ్వలేదు. అయితే.. ఈ సినిమా శాటిలైట్ రైట్స్ గురించి వినిపిస్తున్న వార్తలు మాత్రం సంభ్రమాశ్యర్యాలకు గురి చేస్తున్నాయి. ఈ సినిమా శాటిలైట్ రైట్స్ ఏకంగా మూడు కోట్ల రూపాయలకి అమ్ముడుపోయాయట. నిజానికి శ్రీవిష్ణు సినిమా థియేటర్స్ లో రిలీజ్ అయినా అంత రాబడుతుందో లేదో తెలియదు కానీ.. ఆ శాటిలైట్ రేట్స్ మాత్రం భారీగానే వచ్చింది. ఇదే ఫ్లోలో సినిమా కూడా హిట్టైపోతే.. శ్రీవిష్ణు మళ్ళీ బ్యాక్ టు ఫామ్ అనుకోవచ్చు.
