విలక్షణ నటుడు సముద్రఖని ప్రధాన పాత్రలో తెరకెక్కిన ఎమోషనల్ అండ్ ఫ్యామిలీ ఎంటర్టైనర్ మూవీ ‘కార్మేని సెల్వం'(Carmeni Selvam). పాత్వే ప్రొడక్షన్స్ బ్యానర్పై అరుణ్ రంగరాజులు నిర్మించిన ఈ చిత్రానికి రామ్ చక్రి దర్శకుడు.
తెలుగు, తమిళ భాషల్లో ద్విభాషా చిత్రంగా రూపొందిన ‘కార్మేని సెల్వం’ ఏప్రిల్ 3న విడుదల కానుంది. గౌతమ్ వాసుదేవ్ మీనన్ కూడా ఈ సినిమాలో కీలక పాత్ర పోషించనున్నారు.
లక్ష్మీ ప్రియా, అభినయ, కార్తిక్ కుమార్, బడవ గోపీ, కోతండం, కరణ్ చక్రవర్తి, శంకర నారాయణ్ వి, హరిత పరాకోడ్ వంటి వారు కూడా ముఖ్య పాత్రలు పోషించారు.’మ్యూజిక్ యాజ్ ఏ సర్వీస్’ అంటూ ‘మ్యూజిక్ క్లౌడ్ స్టూడియో అండ్ టెక్నాలజీ’ పేరుతో రామానుజన్ ఎంకే తమ సంస్థ ద్వారా ఈ చిత్రానికి సంగీతం అందించారు. ప్రమోషన్స్ లో భాగంగా విడుదల చేసిన ‘అరెరె’ పాటకి మంచి రెస్పాన్స్ వచ్చింది. ‘పీవీఆర్ ఐనాక్స్ పిక్చర్స్’ ద్వారా ఈ చిత్రం ప్రపంచ వ్యాప్తంగా విడుదల కానుంది.
ఇక ప్రమోషన్స్ లో భాగంగా సంగీత దర్శకుడు రామానుజన్ ఎంకే కొన్ని ఆసక్తికర విషయాలు పంచుకున్నారు.ఆయన మాట్లాడుతూ… “ఒక చిత్రానికి సంగీతాన్ని అందించిన ఘనత ఏ ఒక్క వ్యక్తికీ కాకుండా, ఒక సంస్థకు దక్కాలని కోరుకున్నాం. అందుకే 2017లో బెంగళూరులో ‘Musicloud Studio & Technology’ని ప్రారంభించడం జరిగింది. మొదట్లో కార్పొరేట్ ప్రాజెక్టులను స్వీకరిస్తూ, నెమ్మదిగా నా పనితీరును మెరుగుపరుచుకోవడం మొదలుపెట్టాను. ఆ తర్వాత మీడియా సంస్థలతో భాగస్వామ్యాలు కుదుర్చుకోవడం ప్రారంభించాను.
మేము సౌండ్ డిజైన్, వాయిస్ఓవర్లు మరియు డబ్బింగ్ వంటి అన్ని సేవలను అందించాము.ప్రస్తుతం ‘కార్మేని సెల్వం’ ప్రాజెక్టును విడుదల చేయడానికి సిద్ధంగా ఉన్నాం. ఈ సినిమాకు సంగీతం దర్శకుడి పేరు కాకుండా.. (మ్యూజిక్ యాజ్ ఏ సర్వీస్) మ్యూజిక్ క్లౌడ్ స్టూడియో అండ్ టెక్నాలజీ పేరును ప్రకటించాం. ప్రస్తుతం సినిమా నిర్మాణ వ్యయం రోజురోజుకూ పెరిగిపోతోంది. మంచి కథాంశాలను ప్రోత్సహించాలంటే, నిర్మాణ వ్యయాన్ని తప్పనిసరిగా తగ్గించాల్సి ఉంది.
ఆ దిశగా అడుగులు వేయడానికి ఉన్న మార్గాలలో ఒకటి సంగీత నిర్మాణానికి అయ్యే ఖర్చును తగ్గించాలనుకుని ఈ చిత్రం విషయంలో ఇలా ప్లాన్ చేశాం.ఇటువంటి సేవను వినియోగించుకోవడం ద్వారా, చిత్ర నిర్మాతలకు మ్యూజిక్ క్లౌడ్ స్టూడియోకు మధ్య ఒక రెవెన్యూ మోడల్ రూపొందించబడింది. ఈ ఆదాయ నమూనా కింద, సౌండ్ ఇంజనీర్లు, వాయిద్యకారులు, ప్రోగ్రామర్లు సహా ఈ ప్రక్రియలో పాలుపంచుకున్న ప్రతి ఒక్కరికీ రాయల్టీలో వాటా లభిస్తుంది.
మేము సంగీత నిర్మాణానికి ఒక కార్పొరేట్ నిర్మాణాన్ని తీసుకు వస్తున్నాము. సినీ సంగీత రంగంలో ఇదొక కొత్త ప్రభంజనం అనుకోవచ్చు.నేను గతంలో దర్శకుడు రామ్తో కలిసి అమృత శ్రీనివాసన్ ప్రధాన పాత్ర పోషించిన ‘కురైయొండ్రుమ్ ఇల్లై’ చిత్రానికి పనిచేశా. ఇప్పుడు ‘కార్మేని సెల్వం’ లాంటి గొప్ప ఫ్యామిలీ ఎమోషనల్ చిత్రానికి సంగీతం అందించే అవకాశం వచ్చింది. డైరెక్టర్ రామ్ చక్రి గారితో పరిచయం నా జీవితంలో ఒక టర్నింగ్ పాయింట్ అయ్యింది.
‘కార్మేని సెల్వం’ సినిమా కోసం 4 పాటలు, బ్యాక్గ్రౌండ్ స్కోర్, OST ట్రాక్స్ కంపోజ్ చేశాను. ఇది ఒక టీమ్ ఎఫర్ట్. మా Music Cloud టీమ్లో 4-5 మంది కలిసి పనిచేస్తున్నాం.సంగీతం ఎప్పుడూ ఒక వ్యక్తి పని కాదు అది టీమ్ వర్క్. ‘అరెరె’ పాటకు తెలుగులో అద్భుతమైన రెస్పాన్స్ వస్తోంది. తండ్రి-కొడుకు మధ్య బంధాన్ని చూపించే సందర్భంలో ఈ పాట వస్తుంది. ఇందులో వైలిన్, ఫ్లూట్ బదులు సరంగి ఉపయోగించాలనే ఆలోచన వచ్చింది. అది భావోద్వేగాన్ని మరింత బలంగా చూపించింది.
సముద్రఖని గారు, గౌతమ్ వాసుదేవ్ మీనన్ గారు నాకు పూర్తి ఫ్రీడమ్ ఇచ్చారు.ఎమోషనల్, ఫ్యామిలీ సినిమాలకు మ్యూజిక్ చేయడం చాలా కష్టం. ప్రొడ్యూసర్ అరుణ్ రంగరాజులు గారు చాలా సపోర్టివ్, సింపుల్ వ్యక్తి.ఆయన అందరి పనిని గమనిస్తూ ప్రోత్సహిస్తారు.కనీసం 10 మంచి, అర్థవంతమైన సినిమాలకు మ్యూజిక్ ఇవ్వాలని నా కోరిక. నేను ఎవరితోనూ పోల్చుకోను. మంచి కథలు, మంచి సినిమాల్లో భాగం కావడం నా లక్ష్యం. తెలుగులో ‘హ్యాపీ డేస్’ ‘ఆనంద్’ ‘గోదావరి’ లాంటి ఫీల్-గుడ్ సినిమాలకు మ్యూజిక్ చేయాలని ఉంది.
చివరగా, ‘కార్మేని సెల్వం’ ఒక హృదయానికి హత్తుకునే సినిమా. మన జీవితంలో ఎదురయ్యే భావోద్వేగాలను ప్రతిబింబిస్తుంది. నా పేరు కంటే నా సంగీతమే ప్రేక్షకుల హృదయాల్లో నిలవాలని కోరుకుంటున్నాను” అంటూ తెలిపారు రామానుజన్ ఎంకే.
