కొన్ని కథలు నిర్మాతల పాలిట కత్తుల్లా మారుతున్నాయి. డైరక్టర్లు చెప్పిన కథ నచ్చి సినిమా తీస్తే .. అది తమదంటూ రచయితలు కేసులు వేస్తున్నారు. మహేష్ బాబు శ్రీమంతుడు సినిమా కథపై విచారణ కోర్టులో ఉండగానే మరో కేసు నమోదైంది. ప్రముఖ సినీ నిర్మాత దిల్‌రాజుపై కేసు ఫెయిల్ అయింది. తన నవల ఆధారంగా ‘మిస్టర్‌ పర్‌ఫెక్ట్‌’ చిత్రం తీశారంటూ రచయిత్రి శ్యామలారాణి ఫిర్యాదు చేశారు. దీంతో సెక్షన్ 120ఏ, 415, 420 కాపీరైట్‌ యాక్ట్‌ కింద మాదాపూర్‌ పోలీసులు దిల్‌రాజుపై కేసు నమోదుచేశారు. ప్రభాస్‌, కాజల్‌, తాప్సీ హీరో హీరోయిన్లుగా ‘మిస్టర్‌ పర్‌ఫెక్ట్‌’ చిత్రాన్ని దిల్ రాజు నిర్మించారు.
కె.దశరథ్‌ దర్శకత్వంలో రూపుదిద్దుకున్న ఈ చిత్రం 2011లో విడుదలై ఘన విజయం సాధించింది. ఈ చిత్ర కథ రచయితగా కె ఎస్ రవీంద్ర (బాబీ ) పేరు టైటిల్స్ లో పడుతుంది. ప్రస్తుతం అతను దర్శకుడిగా ఎదిగి ఎన్టీఆర్ తో జై లవకుశ చిత్రాన్ని తెరకెక్కించారు. ఈ కేసు విచారణ జరిగితే బాబీ కూడా కోర్టుకి హాజరుకావాల్సి ఉంటుంది. రచయిత్రి శ్యామలారాణి చేసిన ఫిర్యాదులో ఎంతవరకు వాస్తవం ఉందో త్వరలో తెలియనుంది.
