విజయ్ దేవరకొండ హీరోగా రూపొందనున్న చిత్రంలో కథానాయికగా కాజల్ నటించనుందనే వార్త అందరూ చదవకపోయినా వినే ఉంటారు. క్రాంతిమాధవ్ దర్శకత్వంలో తెరకెక్కే ఆ చిత్రంలో తొలుత కాజల్ కన్ఫర్మ్ అని గుసగుసలు వినిపించినప్పటికీ.. లాస్ట్ కి మాత్రం రాశీఖన్నా ఫిక్స్ అయ్యింది. కాకపోతే.. సెకండ్ హీరోయిన్ రోల్ అయినా కాజల్ చేస్తుందని.. హీరోయిన్స్ అందరికీ సమానమైన పాత్రలున్నాయని టాక్ ఉండింది.
మూడో హీరోయిన్ గా ఐశ్వర్య రాజేష్ నటిస్తుండగా.. ఈ చిత్రం ఏప్రిల్ నుంచి సెట్స్ కు వెళ్లాల్సి ఉంది. కానీ.. ఇప్పటివరకూ కాజల్ డేట్స్ అడ్జెస్ట్ అవ్వకపోవడంతో ఆఖరి నిమిషంలో ఆమె స్థానంలో కేతరీన్ ను ఫైనల్ చేసినట్లు తెలుస్తోంది. ఈమేరకు అఫీషియల్ కన్ఫర్మేషన్ కూడా రావడంతో.. చాన్నాళ్లుగా తెలుగులో మంచి బ్రేక్ కోసం ఎదురుచూస్తున్న కేతరీన్ కోరిక ఎట్టకేలకు నిజమైందని అనుకొంటున్నారు జనాలు.
