మాస్ మహారాజ రవితేజ టచ్ చేసి చూడు సినిమా తర్వాత కళ్యాణ్ కృష్ణ దర్శకత్వంలో “నేల టికెట్” సినిమా చేస్తున్న సంగతి తెలిసిందే. ఈ సినిమా షూటింగ్ ప్రస్తుతం రామోజీ ఫిల్మ్ సిటీలో జరుగుతోంది. ఎస్‌ఆర్‌టీ మూవీస్‌ పతాకంపై రామ్ తాళ్లూరి నిర్మిస్తున్న ఈ మూవీ ఫస్ట్ లుక్ విశేషంగా ఆకట్టుకుంది. ఈ సినిమాని రవితేజ త్వరలో కంప్లీట్ చేసి శ్రీను వైట్ల దర్శకత్వంలో నటించనున్నారు. “అమర్ అక్బర్ ఆంటోనీ” కోసం అమెరికాకు వెళ్లనున్నారు. అక్కడే నెలపాటు జరిగే భారీ షెడ్యూల్ లో పాల్గొననున్నారు.
ఈ రేంజు సినిమాల తర్వాత రవితేజ మళ్ళీ ప్రయోగం చేయడానికి సిద్ధమవుతున్నట్టు సమాచారం. రాజా ది గ్రేట్ లో అంధుడిగా నటించి ప్రశంసలు, కలక్షన్స్ అందుకోవడంతో అటువంటి సాహసోపేతమైన కథలో నటించడానికి ఉత్సాహంగా ఉన్నారు. ఎక్కడికి పోతావ్ చిన్నవాడా, ఒక్క క్షణం వంటి సినిమాలను తెరకెక్కించిన వీఐ ఆనంద్, రవితేజ కోసం ఓ కథ రెడీ చేసారంట. ఈ కథను రవితేజకు వినిపించాడని టాక్. సీరియస్ గా సాగే ఈ కథ రవితేజకి చాలా బాగా నచ్చిందంట. అయితే ఓకే చెప్పలేదని తెలిసింది. అతను గ్రీన్ సిగ్నల్ ఇస్తే నిర్మించడానికి నేల టికెట్ మూవీ నిర్మాత రామ్ తాళ్లూరి రెడీగా ఉన్నారు. మరి రవితేజ ఎప్పుడు సై అంటారో చూడాలి.
