చేతన ఉత్తేజ్ తో ఎన్టీఆర్ కి ఉన్న సంబంధం ఏమిటి ?

తేజ దర్శకత్వంలో వచ్చిన “చిత్రం” సినిమాలో “కుక్క కావాలి” అని అడిగిన బాబు(పాప) ఇప్పుడు హీరోయిన్ గా ఎదిగింది. హాస్య నటుడు ఉత్తేజ్ కి కూతురైన చేతన “షి” అనే హారర్ థ్రిల్లర్ మూవీలో లీడ్ రోల్ పోషిస్తోంది. ఈమె రీసెంట్ గా ఓ ఇంటర్వ్యూ లో యంగ్ టైగర్ ఎన్టీఆర్ తో తనకి ఉన్న సంబంధాన్ని బయటి పెట్టింది. “జనతాగ్యారేజ్ లో నేను నటించనున్నట్లు సోషల్ మీడియాలో వార్తలు గుప్పుమన్నాయి. ఎన్టీఆర్ సరసన నటించున్న చేతన.. అనే టైటిల్ తో ఉన్న న్యూస్ చదివి మొదట షాక్ తిన్నాను. నా ప్రమేయం లేకుండా ఈ వార్తలు ఎలా పుట్టుకొచ్చాయని కంగారు పడ్డాను.

అదే విషయాన్నీ మా నాన్న ని అడిగాను. అప్పుడు ఆయన తారక్ మిత్రుడుని అడిగి అసలు విషయం తెలుసుకున్నారు. జనతా గ్యారేజ్ సినిమా స్క్రిప్ట్ రాసే సమయంలో ఒక పాత్రకు నన్ను అనుకున్నారంట. అయితే ఆ స్క్రిప్ట్ సెట్స్ మీదకు వచ్చేసరికి ఆ పాత్రను తొలిగించారని, అందుకే నన్ను ఆ చిత్ర బృందం నన్ను సంప్రదించలేదని తెలిసింది” అని వివరించింది. జనతా గ్యారేజ్ లో అవకాశం వచ్చి, తనకు తెలియకుండానే వెళ్లిపోయిందని చేతన ఆవేదన వ్యక్తం చేసింది. ఎన్టీఆర్ సినిమాలో నటించే ఛాన్స్ రావాలని ఎదురుచూస్తున్నట్లు చెప్పింది.

Also, do SUBSCRIBE to our YouTube channel to get latest Tollywood updates.