మెగాస్టార్ 150వ సినిమా కోసం ఎదురుచూస్తున్న ప్రేక్షకులకు సినిమా టైటిల్ చెప్పి చిరు వాళ్ళలో ఆసక్తిని పెంచాడు. రామ్ చరణ్ పుట్టినరోజు వేడుకల సందర్భంగా నిర్వహించిన రక్తదాన శిబిరం విజయవంతమైన సందర్భంగా.. అందరినీ అభినందించడానికి హైదరాబాద్ లో ఒక మీటింగ్ ను నిర్వహించారు. ఇందులో భాగంగా చిరు 150వ సినిమా ప్రస్తావన రాగా.. పనులు జరుగుతున్నాయని.. ‘కత్తిలాంటోడు’ అనే టైటిల్ అయితే బావుంటుందని భావిస్తున్నానని చెప్పారు. ఈ టైటిల్ విన్న వెంటనే ప్రేక్షకుల నుండి భారీ రెస్పాన్స్ వచ్చింది. తమిళ సినిమా ‘కత్తి’ రీమేక్ గా తెరకెక్కిస్తోన్న ఈ సినిమా మే లో సెట్స్ పైకి వెళ్లనుంది.
