‘సైరా’ మెగాస్టార్ చిరంజీవి 152 వ చిత్రాన్ని కొరటాల శివ డైరెక్ట్ చేస్తున్న సంగతి తెలిసిందే. ‘మ్యాట్నీ ఎంటర్టైన్మెంట్స్’ ‘కొణిదెల ప్రొడక్షన్ కంపెనీ’ సంస్థలు కలిసి ఈ చిత్రాన్ని నిర్మిస్తున్నాయి. మెగాస్టార్ ఇమేజ్ కు తగ్గట్టు కమర్షియల్ ఎలిమెంట్స్ జోడించి.. అలాగే సామాజిక సందేశం ఉండేలా కూడా కొరటాల చేసుకుంటున్నాడట. హీరోయిన్ ను ఇంకా ఫైనల్ చేయలేదు. ఇదిలా ఉండగా.. ఈ చిత్రం టైటిల్ ఇదేనంటూ సోషల్ మీడియాలో ప్రచారం జోరందుకుంది.
ఈ చిత్రానికి ‘గోవింద ఆచార్య’ అనే టైటిల్ ను ఫిక్స్ చేసారంటూ ఓ పోస్టర్ ను కూడా పోస్ట్ చేశారు కొందరు నెటిజన్లు. ఈ పోస్టర్లో చిరు కమ్యూనిస్ట్ గెటప్ లో గన్ పట్టుకొని ఉండగా… వెనుక జండాలు పట్టుకున్న జనాలు ఉన్నారు. అయితే ఇది నిజమైన పోస్టర్ కాదు… ఓ అభిమాని అత్యుత్సాహం తో చేసింది. అయినప్పటికీ ఈ పోస్టర్ బాగా వైరల్ అయిపొయింది. దీంతో వెంటనే నిర్మాతలైన ‘కొణిదెల ప్రొడక్షన్ కంపెనీ’ వారు స్పందించారు. ‘మేము ఈ చిత్రానికి ఇంకా టైటిల్ నిర్ణయించలేదు, టైటిల్ పెట్టిన వెంటనే అధికారికంగా ప్రకటిస్తాం’ అంటూ ట్వీట్ లో పేర్కొన్నారు.
బాలీవుడ్ లో మంచి కలెక్షన్లు రాబట్టిన సౌత్ సినిమాలు..?
చిరంజీవి అతిధి పాత్ర చేసిన సినిమాలు?
