కరోనా సెకండ్ వేవ్ విజృభిస్తుండడంతో కొత్త కేసులు ఎక్కువయ్యాయి. దీంతో చాలా మంది ఇంట్లోనే ఉంటున్నారు. అత్యవసరం అనుకుంటేనే తప్ప బయటకి రావడం లేదు. ఇక నిన్నమొన్నటివరకు థియేటర్లకు ఎగబడ్డ ఫ్యామిలీ ఆడియన్స్ ఇప్పుడు సినిమాలకు దూరంగా ఉంటున్నారు. రీసెంట్ గా విడుదలైన ‘వకీల్ సాబ్’ సినిమాకి హిట్ టాక్ వచ్చినా.. థియేటర్ల వద్ద ఫ్యామిలీ ఆడియన్స్ పెద్దగా కనిపించట్లేదు. ఈ విషయాన్ని గ్రహించిన మేకర్లు చాలా మంది తమ సినిమాల రిలీజ్ డేట్లను వాయిదా వేసుకుంటున్నారు.
ఈ నెలలో రావాల్సిన ‘లవ్ స్టోరీ’ వాయిదా పడింది. ‘పుష్ప’ లాంటి భారీ సినిమా కూడా వెనక్కి తగ్గుతోంది. తాజాగా అందుతోన్న సమాచారం ప్రకారం.. మెగాస్టార్ చిరంజీవి సినిమా రిలీజ్ విషయంలో కూడా ఆలస్యం జరగనుందని టాక్. కొరటాల శివ-చిరు కాంబినేషన్ లో తెరకెక్కుతోన్న ‘ఆచార్య’ సినిమాను మే 13న విడుదల చేయనున్నట్లు చిత్రబృందం ప్రకటించింది. కానీ ఇప్పుడు కొంత షూటింగ్ బ్యాలెన్స్ ఉండడం, కరోనా సెకండ్ వేవ్ కారణంగా రిలీజ్ డేట్ ను వాయిదా వేయాలని నిర్ణయించుకున్నారు.
ఏప్రిల్ చివరి నాటికి షూటింగ్ మొత్తం పూర్తి చేసి పోస్ట్ ప్రొడక్షన్ కార్యక్రమాలు మొదలుపెట్టాలని చూస్తున్నారు. దీనికి కాస్త సమయం పడుతుంది కాబట్టి జూన్ 18న సినిమాను రిలీజ్ చేయాలని అనుకుంటున్నారట. దీనికి సంబంధించిన ప్రకటన కొద్దిరోజుల్లో రానుందని తెలుస్తోంది. ఈ సినిమాలో రామ్ చరణ్ కీలకపాత్రలో కనిపించనున్నారు. కాజల్ హీరోయిన్ గా నటిస్తోన్న ఈ సినిమాలో పూజాహెగ్డే, సోనూసూద్ లాంటి నటులు ముఖ్యపాత్రలు పోషిస్తున్నారు. మణిశర్మ సంగీతం అందిస్తున్నారు.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
