ఖైదీగా రీ ఎంట్రీ ఇచ్చిన మెగాస్టార్ చిరంజీవి ఇప్పుడు స్వాతంత్ర్య సమరయోదుడుగా కనిపించేందుకు కసరత్తు చేస్తున్నారు. రాయలసీమకు చెందిన ఉయ్యాలవాడ నరసింహారెడ్డి జీవితం ఆధారంగా తెరకెక్కనున్న మూవీలో నటించడానికి అంతా సిద్ధం చేశారు. దర్శకుడు సురేందర్ రెడ్డి, పరుచూరి బ్రదర్స్ కలిసి స్క్రిప్ట్ వర్క్ పూర్తి చేశారు. ఈ మూవీ విషయంలో చిరు మరిన్ని జాగ్రత్తలు తీసుకుంటున్నారు. గుర్రపు స్వారీ, కత్తి యుద్ధాల్లో ప్రత్యేక శిక్షణ తీసుకుంటున్నారు. కొణిదెల ప్రొడక్షన్స్ బ్యానర్లో రామ్ చరణ్ తేజ్ నిర్మిస్తున్న ఈ చిత్రంలో విజువల్ ఎఫెక్ట్స్ బాహుబలి చిత్రం రేంజ్ లో ఉండాలని చిరు డిసైడ్ అయ్యారంట.
అందుకే బాహుబలి చిత్రానికి పనిచేసిన కన్నల్ కణ్ణన్ బృందాన్ని ఉయ్యాలవాడ నరసింహా రెడ్డి సినిమాకి తీసుకున్నారు. ఖర్చుకు వెనుకాడేది లేదని, అవుట్ ఫుట్ అదిపోవాలని చిరు, చెర్రీ విజువల్ ఎఫెక్ట్స్ నిపుణులకు సూచించారని తెలిసింది. చిరంజీవి పుట్టినరోజు (ఆగస్టు 22 ) నుంచి సెట్స్ మీదకు వెళ్లనున్న ఈ మూవీ సెట్స్, గ్రాఫిక్స్ వర్క్ ఇప్పటి నుంచే మొదలు పెట్టినట్లు ఫిల్మ్ నగర్ వర్గాలు తెలిపాయి. మూడు నెలల పాటు ప్రీ ప్రొడక్షన్ అనంతరం సురేందర్ రెడ్డి చిరుపై యాక్షన్, కట్ చెప్పనున్నారు.
Also, do SUBSCRIBE to our YouTube channel to get latest Tollywood updates.
