దాదాపుగా 10ఏళ్ల గ్యాప్ తరువాత సినిమా తీస్తున్నాను అంటూ ప్రకటించి, ఆ తరువాత మరో రెండు ఏళ్లకు క్లాప్ కొట్టి సినిమాను ప్రారంభించాడు మన మెగాస్టార్ చిరంజీవి. అయితే తన 150వ సినిమాని ఎంతో పరిష్టాత్మకంగా తీయాలి అని అనుకుంటున్నప్పటికీ ప్రతీ విషయంలోనూ కాస్త వెనకడుగులు వేస్తూ, కాంప్రమైజ్ అయిపోతూ ఉన్నారు చిరు. ఎంతో ఊహించిన చిరు 150వ సినిమా ఇలా ఉండబోతుంది….అలా ఉండబోతుంది అంటూ ఊరించి చివరకు చప్పబడిపోయిన తమిళ కధని ఒకటి తెచ్చి తెరకెక్కిచేస్తున్నాడు.
ఇక దర్శకుడు కూడా “అఖిల్” లాంటి భారీ డిజాస్టర్ ఇచ్చిన వినాయక్. ఇక నిర్మాణం వారిదే కాబట్టి దాని గురించి పెద్దగా మాట్లాడుకోవాల్సిన పనిలేదు. ఇదిలా ఉంటే దాదాపుగా ఇండస్ట్రీని శాసించాడు మయ మెగాస్టార్ అని అభిమానులు గర్వమగా చెప్పుకునే చిరు రీఎంట్రీ కి ఆయన పక్కన నటించేందుకు హీరోయిన్స్ కరువయ్యారు అన్న విమర్శలు ఇండస్ట్రీ లో బలంగా వినిపిస్తున్నాయి. అయితే ఇక్కడ అంతా వెతికి వెతికి విసిగిపోయిన చెర్రీ, బాలీవుడ్ లో తనకున్న పరిచయాల పుణ్యమా అని అక్కడ సైతం ట్రేల్స్ స్టార్ట్ చేశాడు.
అదే క్రమంలో రకరకాల పేర్లను ఇప్పటికే పరిశీలించిన రామ్ చరణ్ మరొక బాలీవుడ్ హీరోయిన్ సోనాక్షి సిన్హా తో చర్చలు లేటెస్ట్ గా జరుపుతున్నట్లు టాలీవుడ్ టాక్. అయితే ఈ విషయంలో చిరు కాస్త అసహనంతో ఉన్నట్లు తెలుస్తుంది. ఈ బాలీవుడ్ హీరోయిన్స్ ట్రైల్స్ ఆపేయమని చరణ్ కు అదేవిధంగా వినయాక్ కు చిరు వార్నింగ్ ఇచ్చాడని టాక్. బాలీవుడ్ హీరోయిన్ల వెంట పడాల్సిన అవసరం లేదని లోకల్ హీరోయిన్స్ ను ఫైనల్ చేయమని చిరు చెప్పడంతో టాలీవుడ్ లో ఖాళీగా ఉన్న భామల వెంట పడ్డారు చెర్రీ, వినాయక్. ఏది ఏమైనా..చిరుకు చాలా కష్టాలు వచ్చాయి అనే చెప్పాలి.
