మెగాస్టార్ చిరంజీవి అభిమానులకు శుభవార్త. తొమ్మిదేళ్ల తర్వాత అయన రీ ఎంట్రీ ఇస్తున్న సినిమా ఫస్ట్ లుక్ ఆగస్టు 22 న రిలీజ్ కానుంది. మెగా పవర్ స్టార్ రామ్ చరణ్ తేజ్ కొణిదెల ప్రొడక్షన్ కంపెనీ పై నిర్మిస్తున్న చిరంజీవి 150 వ సినిమాలో చిరు ఎలా ఉండబోతున్నారో ఆనాడు రివీల్ కానుంది. ఈ విషయాన్నీ మెగా ప్రిన్స్ వరుణ్ తేజ్ రాఖీ పండుగ నాడు వెల్లడించారు. ఆయన మాట్లాడిన వీడియోను సోషల్ మీడియాలో పోస్ట్ చేసి శుభవార్తను అందించారు.
వి.వి.వినాయక్ దర్శకత్వంలో వేగంగా తెరకెక్కుతున్న ఈ చిత్రం మూడో షెడ్యూల్ జరుపుకుంటోంది. ఇందులో చిరు రైతుల కోసం పోరాడే వ్యక్తిగా కనిపించనున్నారు. ప్రతిష్టాత్మకంగా తీర్చిదిద్దుతున్న ఈ మూవీ టైటిల్ ను కూడా చిరు తన పుట్టిన రోజునే చెప్పనున్నారు. కాజల్ అగర్వాల్ కథానాయికగా నటిస్తున్న ఈ సినిమాకు రాక్ స్టార్ దేవి శ్రీ ప్రసాద్ సంగీతాన్ని సమకూరుస్తున్నారు. రోబో సినిమాను పనిచేసిన ప్రముఖ కెమెరా మెన్ రత్న వేలు చిరంజీవిని మరింత అందంగా చూపించడానికి శ్రమిస్తున్నారు. ఎన్నో ప్రత్యేకతలతో రూపుదిద్దుకుంటున్న ఈ సినిమా 2017 సంక్రాంతి కానుకగా ప్రేక్షకుల ముందుకు రానుంది.
Look who joined us to share his excitement about #Chiru150FirstLook -4 Days To Go! @IAmVarunTej #Chiru150 pic.twitter.com/eHQdkgb0Ei
— #Chiru150 (@KonidelaPro) August 18, 2016
